Пушкин, Александр Сергеевич

Википедиысь материал
Александр Сергеевич Пушкин
Portrait of Alexander Pushkin (Orest Kiprensky, 1827).PNG
Вордӥськон дыръя нымыз:

Александр Сергеевич Пушкин

Ужъёсыз:

кылбурчи[d][1], писатель[d][2][3][4][5], прозаик[d], драматург[d], литературный критик[d], берыктӥсь[d], историк[d], романист[d], либреттист[d] но коллекционер книг[d]

Вордӥськон нуналэз:

26-тӥ куартолэзе (6-тӥ инвожое) 1799[6][7] или 6-тӥ инвожое 1799({{padleft:1799|4|0}}-{{padleft:6|2|0}}-{{padleft:6|2|0}})[8]

Вордӥськон интыез:

Муско, Российской империя[d][6][7]

Кун:

Flag of Russia.svg Российской империя[d]

Кулон нуналэз:

29-тӥ толшоре (10-тӥ тулыспалэ) 1837[6] (37 ар) или 10-тӥ тулыспалэ 1837({{padleft:1837|4|0}}-{{padleft:2|2|0}}-{{padleft:10|2|0}}) (37 ар)

Кулон интыез:

Санкт-Петербург, Российской империя[d][6][9][10]

Автографез:

Pushkin Signature.svg

Александр Сергеевич Пушкин Викискладын

Пушкин, Александр Сергеевич (ӟуч Пушкин, Александр Сергеевич) — быдӟым ӟуч кылбурчи.

Улон сюресэз[Тупатыны | вики-текстэз тупатыны]

Вордскемын 1799-тӥ арын 6-тӥ инвожое Мускоын.

Пичи дырысеныз со литература удысэн герӟаськемын вал. Атаез вылӥ дунъяз литератураез, солэн бадӟым библиотекаез вал. Пушкинъёс доры куное вуылӥзы Карамзин, Жуковский но мукетъёсыз.

Песяез, Арина Родионовна няняез, Никита Козлов агаез вӧзын будыса, Пушкин трос тодон-валан басьтӥз, фольклорез йыраз понӥз. Бӧрысь атаез малпаз Александрез Царскосельской лицее келяны, отын со дышетскыны кутскиз 1811-тӥ арын. Лицей Пушкинлэн улоназ бадӟым инты басьтӥз. Тырмыт вераны эшъёсызлэсь нимъёссэс гинэ, кудъёсыныз со лицейын пумиськиз: Иван Пущин, Вильгельм Кюхельбекер, Антон Дельвиг. Соос пыраклы ӟеч эшъёс луизы. Лицейын Пушкин кылбуръёс гожъяны кутскиз, 1814-тӥ арын нырысетӥез — «К другу стихотворцу» — печатламын вал.

Лицеез йылпумъямез бере Пушкин Москвае уг берытскы, 1817-тӥ арын со Петербурге выже но Кунсьӧр ужъёсъя академиын ужаны интыяське. Петербургын со трос литераторъёсын пумиськылэ, балъёсы, театръёсы ветлэ. Нош 1820-тӥ арын «Руслан и Людмила» — нырысетӥ бадӟым ужзэ - йылпумъя.

Петербургетӥ ӝог вӧлмем эпиграммаосызлы, эрико кылбуръёсызлы луыса, 1820-тӥ арын ик Пушкинэз ссылкае келяло. 4 ар ӵоже со пӧртэм каръёсы вуылӥз: Екатеринославе, Кишинёве, Одессае. Со ссылкаын дыръяз дано гожъяськись кылдытэ «Кавказский пленник», «Бахчисарайский фонтан», «Братья разбойники» романъёссэ, нош 1823-тӥ арын «Евгений Онегин» кылбурен романэз борды басьтӥське.

1824-тӥ арын Пушкин нош ик ссылкае келямын, табере уйпала, Михайловскоее, кытын со няняеныз будӥз. Михайловскойын А. С. Пушкин «Евгений Онегин» бордын ужзэ азинтӥз, огвакытэ гожъяз «Борис Годуновез», кылбуръёс. Михайловское со доры эшъёсыз вуылӥзы, озьы ик Пушкин эшъёсыныз гожтэтъёс пыр кусып возиз. Отысен ик со тодӥз декабристъёслэн восстанизы сярысь (отчы пыриськизы тросэз солэн эшъёсыз) но соосыз казнить карон сярысь.

1826-тӥ арын 4-тӥ куарусёнэ Пушкинэз Муское ачиз доры шӧдтэк шорысь Николай I ӧтиз. Но солэн сётэм эрикез кема ӧз кыстӥськы. 1828-тӥ арын Пушкинэз чаклан сярысь Кун Кенешлэн пуктэтэз потӥз. Со арын ик гожъяськись ас мылкыдызъя Кавказэ шонтӥз — отын солэн эшъёсыз служить каро вал.

1830-тӥ арын Пушкин кура Н. Гончароваез. Сюанзы азьын со кошке Болдиное, кытын карантинэн йырин ӝегатсконо луэ. Творчествоысьтыз та вакытэз «Болдинской сӥзьыл» шуо — соку со пӧртэм жанръёсын туж уно произведениос гожтӥз.

1831-тӥ арын 15-тӥ куартолэзе Пушкин кышнояськиз но Петербурге выжиз. Со аръёсы со трос архивъёсын ужаз, история темаосъя произведениос гожъяз: «Дубровский», «Капитанская дочка», «История Пугачева». Озьы ик «Современник» журналлэн редакторез вал, кусып возиз Белинскиен, Гоголен, суредасьёсын.

1837-тӥ арын 9-тӥ тулыспалэ Пушкинэз дуэльын Дантес ыбиз, 10-тӥ тулыспалэ дано гожъяськись аслаз корказ улонысь кошкиз.

  1. http://www.nytimes.com/1997/10/20/world/grigory-pushkin-poet-s-great-grandson-83.html
  2. Пушкин Александр Сергеевич // Большая энциклопедия Кирилла и МефодияКирилл и Мефодий (компания), 1996.
  3. Мейлах Б. С. Пушкин А. // Краткая литературная энциклопедияМуско: Советская энциклопедия, 1962. — Т. 6.
  4. Красухин Г. Г. Кругосвет — 2000.
  5. http://www.cbc.ca/arts/theatre/story/2009/11/11/mark-weil.html
  6. 6,0 6,1 6,2 6,3 Непомнящий В. С. Пушкин Александр Сергеевич // Большая советская энциклопедия: [в 30 т.] — 3-е изд. — М.: Советская энциклопедия, 1975. — Т. 21 : Проба — Ременсы. — С. 246—250.
  7. 7,0 7,1 А. Кирпичников Пушкин, Александр Сергеевич // Энциклопедический словарьСПб.: Брокгауз—Ефрон, 1898. — Т. XXVа. — С. 826—851.
  8. Find a Grave — 1995.
  9. https://muse.jhu.edu/journals/pushkin_review/v014/14.1.lachmann.html
  10. http://www.jstor.org/stable/40922230