Марӟан

Википедиысь материал
Перейти к навигации Перейти к поиску

МарӟанУдмурт Элькунысь Дэри ёросысь Подшивал гуртысь кырӟанъя но эктонъя калык ансамбль.

«Марӟан» ансамбльлэн историез кутске XX даурысь 80-90 тӥ аръёсы, куке вал национальной лулчеберетлэн сяськаян вакытэз, тужгес но - кырӟан искусстволэн. Туннэ нуналлы «Марӟан» Дэри ёросысь ансамбльёс пӧлын тужгес но устоез луэ. Со тодмо кызьы Подшивал гуртысь калыклы, озьы ик быдэс ёрослы но Элькунлы. Марӟан кисьтэ гуръёссэ быдэс Россияе но, кунгож сьӧры но. Марӟан - калык ансамбль, нош вань ансамбле пыриськисьёс Подшивал гуртын улӥсьёс, кудъёсыз адӟыто лулчеберетэз но сям-йылолъёсыз та интыосысь. Азьло дыре Марӟанлэн репертуараз вал сям-йылолъёсты адӟытӥсь эктонъёс но кырӟанъёс гинэ. Озьы ик уже кутӥзы удмурт композиторъёслэсь гуръёссэс. Берло дыръёсы фольклор материал вылэ пыкиськыса кылдӥз «Мелодии родникового края» программа, кытын жингыртыны кутскизы Удмурт Шаерысь Дэри ёрослы тупась кырӟанъёс. Туннэ нуналлы «Марӟан» ансамбльлэн репертуарез узыр но аспӧртэмлыко. Учкисьёс шуныт пумитало Удмурт Элькунлэн пӧртэм ёросъёсысьтыз бичам кырӟанъёсты но эктонъёсты. Кылсярысь, син шоры йӧтытэк уг кыльы Дэри ёросысь «Ваче эктон», «Парен эктон», «Ньылен эктон», Алнаш ёросысь «Куатен эктон», «Тямысэн эктон», Пичи Пурга ёросысь Пурга эктонъёс, Аксакшур кадриль но мукетъёсыз.

«Марӟан» ансамбльлэн репертуараз нимысьтыз инты басьто «Армие келян», «Куно пумитан», «Возь вылын юмшан», «Пучы арня» сям-йылолъёсты возьматӥсь постановкаос.

Ансамбльлэн нырысетӥ кивалтӥсез вал Людмила Анатольевна Яковлева — Удмурт Элькунысь дано ужась. Туннэ нуналэ та ансамблен быгатыса кивалто Удмурт Элькунысь культура удысын дано ужась Елена Александровна Макарова но Наталья Леонидовна Яковлева.

История[Тупатыны | вики-текстэз тупатыны]

2002 ар – Огъя Россиысь калык творчествоя фестиваль «Поёт село родное», Челябинск (1 степенё лауреат).

2002 ар – Нырысетӥ финн-угор калыкъёслэн межрегиональной фестиваль, Ульяновск.

2003 ар – фестиваль, Тверь.

2004, 2005 аръёс – Огъя Россиысь фестиваль «Родники России», Чебоксары.

2007 ар – Нырысетӥ калык куспо финн-угор калыкъёслэн фестиваль «Suguvastavundu», Петрозаводск.

2008 ар - Кыкети калыккуспо финн-угор калыкъёслэн фестиваль «Suguvastavundu», Лохъя, Финляндия.

2008 ар – калыккуспо фольклор фестиваль «Окно в небо», Удмуртия.

2008 ар – калыккуспо егитъёслэн фольклор фестиваль «Воршуд», Удмуртия.

2009 ар – эктонъя Элькун чошатскон «Танцующая планета», Удмуртия (1 степенё лауреат).

2009 ар – егитъёслэн фестиваль «Vikkel-Fest», Пылва, Эстония.

2010 ар – калык эктонъя ӵошатскон «Купанча», Удмуртия (1 степенё лауреат).

2011 ар – Огъя Россиысь фестиваль «Родники России», Чебоксары.

2012 ар – финн-угор фольклор фестиваль «Воршуд», Удмуртия.

2013 ар – межрегиональной фестиваль-ӵошатскон «Вместе мы - Россия», Чебоксары (1 степенё дипломант).

Дискография[Тупатыны | вики-текстэз тупатыны]

  • 2002 ар — «Ой, тӧл тӧла» («Ой, ветер веет»)
  • 2004 ар — «Нылкышно мадёнъёс» («Женские новеллы»).