Плеядаос (кизили люкаськем)
 | Нимзэ воштыны ӵектӥз бам |
Плеядаос (M45) — пазяськем кизили люкаськем, Ош кизилисузьетысь астеризм. Вашкала удмурт нимъёссы — Пужкизили, Шерпужкизили, Валвиркизили, Инкуткизили, Люккизили, Ӵӧшкаркизили. Асьме дорысен Плеядаосозь 135 пала парсек (440 св. ар).
Та кизили люкаськемлэн диаметрез ог 12 югытлык ар. Сюрс пала кизилиослэн Плеядаос пӧлы пыремзы али статистически юн тодэмын-валамын. Нош ортчытэм дунъямъёсъя, Плеядаос пӧлы пырись кизилиослэн зэмос лыдзы — ог 3 сюрс. Отын трос пӧсь чагыр кизилиос вань. Ваньмызлэсь Плеядаослэсь огъя массазэс дунъяло Шундылэн 800 пала массаеныз.
Плеядаос пӧлысь тужгес яркытэсь кизилиос
[Тупатыны | бамлэсь кодзэ тупатоно]| Кизилилэн нимыз | адскись кизили быдӟалаез | спектральной классэз |
|---|---|---|
| Альциона | 2,86 | B7IIIe |
| Атлас | 3,62 | B8III |
| Электра | 3,70 | B6IIIe |
| Майя | 3,86 | B7III |
| Меропа | 4,17 | B6IV |
| Тайгета | 4,29 | B6V |
| Плейона | 5,09 (кырмекъясь кизили) | B8IVep |
| Целено | 5,44 | B7IV |
| Астеропа I | 5,64 | B8Ve |
| — | 5,65 | B8V |
| Астеропа II | 6,41 | B9V |