Пои
Пои — жонглировать каронлэн одӥгез тӥрлыкез, гозыен тупъёс, кудъёсыз кутӥсько киосы но олокызьы но бергатӥсько. Потэмын поинг маори[1], Выль Зеландия, калыклэн устолыкисьтыз, кытын пои луэ капа хака (маори Kapa Haka) калыклэн йӧскалык устолыкисьтызы одӥгэз элементэз («пои» маори кылын луэ «шар»). Маори калык али дырозь уте пои бергатон традицизэ. Сыӵе бергатонъёс ӵемысь одно ик луо кун церемониосын, праздникъёсын но общественной выступлениосын.
Туала пои[Тупатыны | бамлэсь кодзэ тупатоно]
Али вакытлы устолык пои кыдёке кошкемын аспӧртэмлыко маори лулчеберетлэсь. Жонглёръёс полын быдесак кылдэмын пои субкультура, кудӥз пӧрмытиз пои бергатонэз хоббие, треннировкаосы яке шоуэ. Пои лыдъяське жонглированилэн одӥгез пӧртэмлыкез и пойстэръёс пуктӥсько жонглёръёсын, боды бергатӥсьёсын (стафферъёсын) но мукетъёсыныз артэ. Со сяна, пои пырэмын цирке но кырын театръёсы.
Кӧня ке терминъёсыз[Тупатыны | бамлэсь кодзэ тупатоно]
- Пойстер — адями, кудӥз бергатэ пои.
- Орбитал — пои бергатон элемент, ку ке пои, жильыосыныз герӟаськыса, бергатӥсько. Та элементэз лэсьтон понна кулэ вертлюгъёс.
- Пиропои — пои, кудъёсызлэн фитильёс интые жильы пумъёсаз пиротехнической фонтанъёс пуктӥсько. Таӵе пои туж кышкыт, соин соосты профессионалъёслы гинэ демланы луэ.
- Бубыли, сяськаос, гиперлуп, восьмерка, космо, кросс — портэм элементъёс.
Тренировкаос[Тупатыны | бамлэсь кодзэ тупатоно]
Тросэз, кин кутске поиосын заниматься кариськыны, кутско кык тренировочной пои бордысен. Ӵемысь соос лэсьтэмын луо марлэсь ке небытлэсь, вӧсь медам лу шуыса. Кутско самой каньыл движениос бордысен, каллэнэн элементъёс пыртылыса, быдэсак элементъёсын герӟет выступлениослы. Тросэз бергато крезьгурэн — со юрттэ ритмзэ умой кутыны. Поинг дыатэ выросъёслэсь координацизэс, концентрациез, огвозьсконэз.
Самой капчи пои лэсьтон[Тупатыны | бамлэсь кодзэ тупатоно]
Утчаны одно ик кулэ ӧвӧл юри басьтыны умой пои, капчиен луэ лэсьтыны аслыд. Самой капчиез — тэннисной тупъёслэсь. Басьтӥськом 2 туп, но лэсьтӥськом котькудаз кык пась, пумит луись ог огзылы. Пасьёс капчи лэсьтыны пежъянэн, но соос луозы пичиесь, соин соосты бадӟыматоно луоз. Бадӟыматыкуды умой учке тупты медаз зол кесиськы шуыса. Басьтӥськом гозы, но конгро венен со гозыез поттӥськом со пасьёс пыртӥ. Пӧрмэ туп гозыен. Одӥг пумаз лэсьтӥськом гэрӟет, гозы медаз поты шуыса. Пои вуизы, кыле на кия тупатыны кузьдалазэ но лэсьтыны чиньыослы пасьёс-кутонъёс.
Мукет сямен тренировочной пои лэсьтон — пои-носки. Соос туж умой ярало выль кутскисьёслы, соос калленгэс бергало но туж вӧсь уг каро бере. Соосты лэсьтон понна кулэ гольфи но кеньыр. Гольфие понӥське кеньыр. Поныку учконо, туж секыт медаз луэ шуыса. Пумаз лэсьтӥське герӟет. Гольфи кузьдалазэ учкыку лыдэ басьтоно, со кыстӥськыны быгатэ бергатыку шуыса.
Поилэн кузьдалаез ки кузьда луыны кулэ.
Тылэн пои[Тупатыны | бамлэсь кодзэ тупатоно]
Тросэз лыдъяло тылэн пои — самой вылӥ быгатонлыкез пойстэрлэн. Соос лэсьтӥсько кевлар (асбест, базальт, углеволокно) «фитильёслэсь», кудъёсыз тыатӥсько ӝуась жидкостьын (кизер парафин, керосин, солярка) но ӝуатӥсько.
