Пско́в улос — Росси Федерациысь улос, пыре Северо-Западной федерал округе.

Административной центрез — Псков кар.

Псков улослэн бускельёсыз: Ленинград, Новгород, Тверь но Смоленск улосъёс, Белоруссия но Европа союзысь кунъёс — Эстония но Латвия.

Псков улос - Россиысь одӥгез кык улосъёс пӧлысь, кудӥзлэн кунгожез 3 кунъёсын ортче (мукетыз сыӵе улос - Алтай, солэн вань кунгожъёсыз Казахстанэн, Китаен но Монголиен).

Историез

Аслаз кылдэмез дырысен Псков улос пӧртэм уездъёсы но волостьёсы пырыны вуттэм, кӧня ке улосъёслы люкиськылэм, со пушкы я пыриллям, я отысь потӥллям куд-ог гуртъёсыз но каръёсыз... «Туала» Псков улос кылдэмын ай 1958-тӥ арын гинэ. 1967-тӥ арын со Быдӟым Атыкай ож дыръя юн партизан огазеяськонъёсыз но ожмаськемез понна Ленинлэн орденэныз пусъемын. Озьы ик вашкала документъёсын пусъемын, кунмылэн армиез но со палъёсын кылдӥз шуыса. Кинлы ке Псков тодмо 76-тӥ десантно-штурмовой дивизиеныз. Со сяна, историлы ке осконо, ӵапак та улосын вордӥськем вылэм Ольга княгиня. Солы сӥзьыса, Псковын синпелет но кӧня ке часовняос пуктэмын.

Учкымон интыосыз

- Печоры карысь Псков-Печера монастырь но сето музей, соос ог-огзы вӧзын сыло,

- Псковысь Троицкой собор но Мирожской монастырь,

- Вуж Изборск ошмесъёс,

- Гдов, Изборск, Порхов, Псков крепостьёс,

- Уно пӧртэм усадьбаос,

- 26 тунсыко музейёс,

- Но трос пӧртэм синпелетъёс.

Улӥсьёсыз

Калык	1989 арын, мурт	%	2002 арын, мурт ^[1]	%
Ӟучъёс	797436	94,21 %	717101	94,25 %
Украинъёс	15352	1,81 %	12471	1,64 %
Белорусъёс	12496	1,48 %	9664	1,27 %
Чиганъёс	3319	0,39 %	3220	0,42 %
Армянъёс	552	0,07 %	2270	0,30 %
Бигеръёс	1010	0,12 %	1499	0,20 %
Азербайджанъёс	890	0,11 %	1319	0,17 %
Эстонъёс	2259	0,27 %	1122	0,15 %
соос пӧлын сету	…	…	172	0,02 %
Молдаванъёс	1049	0,12 %	797	0,10 %
Латышъёс	893	0,11 %	690	0,09 %
Немецъёс	825	0,10 %	685	0,09 %
Чувашъёс	806	0,10 %	658	0,09 %
Еврейёс	1339	0,16 %	637	0,08 %
Полякъёс	772	0,09 %	588	0,08 %
Чеченъёс	340	0,04 %	557	0,07 %
Финнъёс	658	0,08 %	356	0,05 %
Литваос	528	0,06 %	347	0,05 %
мукет калыкъёс	5925	0,70 %	6657	0,87 %