Роберт Бош нимо фонд

Википедиысь материал

«Роберт Бош» нимо фонд (нем. Die Robert-Bosch-Stiftung, Robert Bosch Stiftung GmbH, вакчиятыса: RBSG) ужбергатонэн герӟаськем фондъёс пӧлын Германиын одӥгез бадӟымез луэ. Кылдэмын со 1964-тӥ арын Роберт Бош (1861–1942) ужбергатӥсьлэн завещанияз кельтэм косонэзъя.

Фонд ужа таӵе удысъёсъя: тазалыкез утён, калыкъёс куспын кусыпъёсыз юнматон, дышетон но нылпи будэтон, искусство но культура, озьы ик гуманитарной, мерлыко но естественной тодосъёс.

"Роберт Бош ГмбХ" огазеяськонлэн ог 92% уставной капиталысьтыз (со 1 200 миллион евро пала) мер ужлы висъяське. Бош семьялы кыле уставной капиталысь 8%-эз но 7% куараос.

1964-тӥ арысен 2001-тӥ арозь фонд 536,7 миллион евро пӧртэм проектъёсыз улонэ пыӵатонлы висъяз. Али тужгес азинтӥськись но кулэен лыдъяськись проектъёс пӧлы фонд пыртэ сыӵеоссэ, кудъёсызлэн валтӥсь ужпумъёсыз немец кылэз палэнын вӧлмытонлы сӥземын луо. Со пыр уно немец студентъёс дуннеын анай кылзыя ассистентъёс луыса тыршо, соос понна нимысьтыз дышетсконъёс, семинаръёс радъясько, вань нимысьтыз методикалы дышетскон программаоссы но - Сӥзьыл но Тулыс академиос.