Сарапуллэн гербез
_(1781).png)
Сарапуллэн гербез — Удмуртиысь Сарапул карлэн валтӥсь символэз.
Эксэй кышно Екатерина II кивалтон вакытэ ик — ог 1781-тӥ аръёсы — Сарапул городлэн кылдӥз аслаз символикаез. Российской империлэн законъёсын бичетаз пусъемын: «Кунпуслэн вылӥяз интыяськемын Вятской герб, нош улӥяз — азвесь гурезь йылысь таркам город».
Та эмблема, кык сю аръёс ортчыса но, ӧз вуны. Нош малпаз сое герольдмейстер А. А. Волков. Герб кылдытыкуз, Волков лыдэ басьтӥз немец тодосчилэсь, медицина наукаосъя докторлэсь Пётр Симмон Палласлэсь гожъямъёссэ. Та воргорон 1773-тӥ аръёсы улӥз-вылӥз Сарапул карын.
XIX даурлэн кыкетӥ люкетаз — геральдикаын реформа ортчон вакытэ — Сарапуллэн кылдэ вал ини выль гербез, куинь пинё азвесь коронаен но Александровской лентаен. Но со улонэ ӧз пыӵа — эксэй Александр II выль гербез но, реформаез но отӥгес кариз.
Совето вакытэ эксэй кышно Екатерина II дыръя кылдытэм герблэн тусыз воштӥськиз. Вылӥыз — Вятка карлэн гербеныз щит — усиз. Но та герб инъет выллем луиз туала кунпуслы. Кылдэмын со азвесь но лызалэс-чагыр буёлъёслэсь. Нырысетӥез возьматэ инбамез, нош кыкетӥез — Кам шурез.
.gif)
.gif)