Сарапул

Википедиысь материал
Кар
Сарапул
Флаг Герб
Флаг Герб
Sarapul06st.jpg
Башенинлэн дачаез

Координатаос: 56°28′00″ у. ш. 53°48′00″ ӵ. д. / 56.466667° у. ш. 53.8° ӵ. д. (G) (O) (Я)56°28′00″ у. ш. 53°48′00″ ӵ. д. / 56.466667° у. ш. 53.8° ӵ. д. (G) (O) (Я)

Шаер Россия
Улос Удмуртия
Йыр Анатолий Наумов
Кылдытон дыр 1621
Территория 86,01 км²
Шорлэн ӝуждалаез 80 м
Улӥсьёс (2014) 99 869 адями
Часовой пояс UTC+4
Телефон код +7 34147
Почта индексъёс 427960 - 427980
Автомобиль код 18
Официальной сайт adm-sarapul.ru
(ӟуч)

Сарапул (Удмуртия)
Сарапул
Сарапул

СарапулУдмуртилэн лымшор палаз интыяськем кар (2002 аре — ог 103 сюрс улӥсьёс). Интыяськемын Кам шурлэн бур палаз. Ижысен Сарапулозь — 63 километр. Улӥсез — 108,0 сюрс адями: ӟучъёс — 81,8%, бигеръёс — 8,9%, удмуртъёс — 3,8%, укаинецъёс — 0,9%, мукет выжыысь калыкъёс — 4,6%.

Историез[Тупатыны | вики-текстэз тупатыны]

Сарапул ним XVI даурысен тодмо луэ. 1596 аре калыкез лыдъян книгаын гожтэмын: «Кузон утемын, Кам шур йылынгес... Сарапулысь но Сиваысь чорыг кутыло». Кызьы адӟиськомы, ӵапак кар сярысь татын вераськон уг на мыны: Сарапул шуыса Кам шурлэн оглюкетэз нимамын, шӧдске.

Сарапул нимлэсь кытысь потэмзэ ӵемысь герӟало чорыг кутонэн: чуваш кылын сарă пулăӵуж чорыг’ (Acipenser gueldenstaedtii) шуэмез возьматэ.

Ӵуж чорыг

Вуоно карлы Вознесенской черкогуртэз кылдытэмен инъет сётэмын вал. 1621 аре дозорной книга «Сарапул дурын Вознесенской черкогурт» сярысь вера. Берло ини Вознесенской черкогурт Сарапул нимо дворцовой слободае пӧрмиз. 1780 аре Екатерина II косэмъя Ватка наместичество кылдытэмен Сарапуллы кар статус сётэмын вал.

1781-тӥ арын карлэн аслаз кунпусэз (герб) кылдӥз. 1790-тӥ аръёсы Сарапулэн кивалтӥз секунд-майор Дуров, Андрей Васильевич|А. В. Дуров — Дурова, Надежда Андреевна|кавалерист-нылмурт Надежда Дуровалэн атаез.

1924 арозь Сарапул но Сарапул утем Ватка губерняе пыро вал. Со вакытэ татын улӥз-вылӥз 4 сюрс котыр адями. Кар узыр ӧй вал. Ульчаосын сылӥзы 1 из собор, 1 приходской черк, 1 старообрядческой часовня, 48 лавка. 19 корка излэсь ӝутэмын вал, кылемез ваньмыз пулэсь.

1930 арозь Сарапул Урал улосэ пыре (Сарапул округ), 1939 арозь со Киров улосэ пыре (Сарапул ёрос), нош собере Сарапул ёрос Удмуртия- Удмуртиен огезеямын вал.

18-тӥ дауре Сарапулын азинскыны кутске ку дасянъя вузпоттон удыс (промышленность). 1815-тӥ арын 5 сыӵе завод ужам. Ӧжыт улыса, усьтӥськиз майтал кисьтонъя огазеяськон. 1855-тӥ арын кирпич шукконъя 6 завод ужзэ мытӥз. XX-тӥ даурлэн кутсконаз отын промышленностья трос огазеяськонъёс усьтӥськизы. Кылсярысь, «Кожевенный завод и фабрика ручной и механической обвуи. Торговый дом Ф. Г. Пешехонова», «Барабанщиков Ник. и племянники. Торговый дом. Кожевенный завод и фабрика обуви», «Братья Кривцовы» но мукет.

Сарапуллэн шораз ик интыяськиз Вознесенский собор. 1812-тӥ арын со котыре пуктӥзы судьяослы, Дуровлы коркаос, кык этажъем юртъёс (соослэсь нырысетӥ этажзэс вуз карон интылы пӧрмытъязы).

1875-тӥ арын карын кылдӥз Благотворительной общество. Анай-атайтэк кылемъёслы, куанеръёслы соос усьтӥзы 20 сиськон инты. Та вакытэ ик ужзэс мытӥзы ясли но Ужлы сӥзем корка. Та коркан нылпиосты дышетӥзы киужлы.

Сарапулысь вокзал

Транспорт[Тупатыны | вики-текстэз тупатыны]

Сарапулын вань бадӟым порт. Кам шур кузя со Сарапулэз герӟа Улысь Новгород, Пермь каръёсын.


Чӧлсконъёс[Тупатыны | вики-текстэз тупатыны]