Удмурт крезьгур тӥрлыкъёс

Удмуртъёслэн крезьгур тӥрлыкъёссы пӧлысь тужгес но тодмоез луэ крезь. Вылтусызъя но шудон манерезъя крезь тупа ӟуч гуслилы, эстон каннельлы, финн кантелелы, венгер цитералы. Соин шудо ал вылэ поныса, сиосты чиньыосын чепылляса. Эшшо одӥгез вашкала шудон арбери – чипчирган. Чипчирган кузь ныдо вал, пумыз паськытомыса кошке. Куараез - чипсӥсь, шулдыр, кисьтаськись. Со сяна, трос мукет инструментъёссы но вань удмуртъёслэн: быз (волынка), кубыз (скрипка), скал сюр но мукет. Азьвыл вакытэ паськыт пумиськем инструментъёс пӧлысь али тросэз уг ни кутӥсько, озьы ке но, вашкала сямъёсты улӟытонъя уж каллен мынэ.