Узы сяськаян вакытэ

Википедиысь материал
Перейти к навигации Перейти к поиску

Узы сяськаян вакытэГенрих Перевощиков та повестьсэ "Марина нылылы но... сӥзисько" чурен кутске.

  • Юрий Сергеевич Назаров - инженер, бадӟым заводысь огезлэн цехлэн кивалтӥсез
  • Маша - солэн нылыз
  • Анатолий Петрович - эмчи
  • Лиза - Назаровлэн азьвыл кышноез, эм сузэр

Маша онкологической больницае пыктосэн сюре. Юрий Сергеевич - атаез - весь вӧзаз, чакла сое, сюлмаське. Кышноеныз со люкиськемын (Машалы 5 арес дыръя, Назаров командировкае кошкем. Бертыса, кышнозэ валесысьтызы кыӵе ке пиосмуртэн адӟе но улля).

Маша йӧна, больницаысь потэ, но дышетскыны пырыны со бере кылиз, соин аптекаын ужаны кутске, вуонояз гужем дышетскыны пырыны малпа. Маша сьӧры учкыкуз, Назаров аслэсьтыз ӵемысь кӧт висемзэ шӧдылэ, но ортчоз ай шуэ. Но уг ортчы. Ӝоген со ачиз больницае Машалэн ик комнатаяз сюре. Табере нылыныз интыенызы воштӥськизы. Маша атайзэ чакла, ужысьтыз куриське. Больницаысь потыса, Юрий Сергеевичлэн висёныз кемалы ӧз быры. Со нош отчы вуэ, солы химиотерапия лэсьто. Азьвыл Инмарлы но сьӧд кужымъёслы оскиськтэм, со оскыны кутскиз кадь. Простить мед карозы шуыса, азьвыл заводын ужам Данилова Елизавета доры ветлэ (Назаров сое мыскыл карыса кадь улляз вал), нош азьвыл кышноез доры мыныны уг дӥсьты. Куке шӧдэ кулонэзлэсь матэктэмзэ (узы сяськаян вакытэ - Назаровлэн но Машалэн яратоно ар вакытсы), Машаез анаез доры лэзе, мед, пе, лыктоз больницае. Лиза лыктэ. Назаров, сое простить карыны курыса, адӟыса, анаен нылыз ог-огзэс ӟыгыртӥзы шуыса, каньылэн кулэ.