Чакара

Википедиысь материал
Перейти к навигации Перейти к поиску

«Чакара» — улосвылкуспо фольклор фестиваль, кудӥз арлы одӥг пол ортче удмурт филармонилэн юртаз. Фестивальлэн валтӥсь пуштросэз но ужпумез — вашкала кырӟанъёсты, ваче ки кутскыса берганъёсты, эктонъёсты, сям-йылолъёсты утён но азинтон. Фестивале пыриськыны быгато Удмуртилэн ёросъёсысьтыз, Башкортостанысь, Татариысь, Марий Элысь, Свердловск но Киров областьёсысь, Перм шаерысь пӧртэм коллективъёс.

«Чакара» кыллэсь этимологизэ эскерид ке, со — гурезь, кудӥз ӧте калыкъёсты огазе люкаськыны, пуш дуннеез чылкытатыны, валче кутӥськыса кырӟаны, сюлэмез устыны. Чакара гурезь ачиз сылэ куинь гуртъёс куспын Большой Качак — Малый Качак Чиндэр, Чишмэ- Кугэрчин, кудъёсыз интыяськемын Башкортостанысь Калтасы ёросын. Котькудӥз та гуртъёсын ортчытъяло арлы быдэ вӧсьёс. Пӧртэм гурезьёслэн топонимической нимъёссы, Башкортостанысь Чакара (Малый качак гурт), Четкер (Кургаково гурт), Удмуртиысь Чекер, Чакар, Чекерйыл (Курег гурт), горно-лыжной база «Чекерил», ваньзылэн соослэн одӥг кадь этимологизы. Ваньдэсты соосты нош герӟало Урал Гурезьёс. Татын ик потэмын удмурт фамилия — Четкарев.