Шаркан

Википедиысь материал
Шаркан черкогурт» бамысь кудланьтэмын)
Черкогурт
Шаркан
Кун Россия
Историез но географиез
Нырысьсэ тодэ уськытон 1678
Часовой пояс UTC+04:00[d]
Улӥсез
Улӥсез
Официальной кылыз Удмурт кыл и ӟуч кыл
Лыдпусо тодметъёс
Телефон кодэз +7 34136
Почта интыпусэз 427070
Показать/скрыть карты
Логотип Викисклада Медиафайлы на Викискладе

ШарканУдмуртиысь черкогурт, Шаркан ёрослэн шорыз. Интыяськемын Вотка карлэсь 30 иськемлы палэнын. Улӥсез — 6 сюрс 600 адями (Шаркан ёросын улӥсьёс пӧлысь 30 %-эз). Соос пӧлысь тросэз — удмуртъёс.

Черкогуртлэн кылдэмез[Тупатыны | бамлэсь кодзэ тупатоно]

Нырысьсэ та черкогурт пусъемын 1678-тӥ арын Лонлез гурт нимын. 1838-тӥ арын Шаркан гурт чрекогурт чотэ выжтэмын. Со арын ик йылпумъямын Петропавловской черкез ӝутон. 1849-тӥ арын Шаркан черкогуртын Чугун поттонъя но корт кисьтонъя завод. Со лыдъяськиз М. И Родыгин купечлэн-промышленниклэн огазеяськонэз. 19-тӥ даурлэн пумаз Шаркан пӧрме вуз каронъя бадӟым центрлы. 1859-тӥ арын ортчем ревизия возьматӥз: Вятка губерниысь Сарапул уездысь Шаркан черкогуртысь 57 юртын улӥз 541 адями. Черкогуртын усьтэмын вал гурт удыслы дышетонъя училище, земской станция, пызь изон вуко.

Со сяна, Шаркан черкогуртын интыяськиз нылкышно монахъёслэн огазеяськонзы, 1918-тӥ арын со инъет луиз монастырь кылдытонлы. Отын утиськиз Инмар Анайлэн «Скоропослушница» нимаськись мудорез. Та мудор ваемын Афон гурезьысь.

Ижевск-Воткинск бугыръяськон (восстание) дыръя Шаркан басьтэмын вал ож пала дурбасьтэмъёсын. Шарканын улӥсьёс пӧлысь тросэз бугыръяськонэ пыриськизы, бӧрысь Колчаклэн армиез борды итӥськизы. Революция бӧрсьы Шаркан черкогурт пыртэмын Вотской Автономной областе, нош 1929-тӥ арын Шаркан ёрослэн центрез шуыса юнматэмын. 1930-тӥ аръёсы Шаркан черкогуртын кылдӥзы ёрос эмъяськонни, шор ёзо школа, ӧсъёссэ вӧлъяз ёрос библиотека. Быдӟым Отечественной ож бере Чугун поттонъя но корт кисьтонъя завод ворсаськиз, со интые усьтӥськиз дӥсь вуронъя фабрика. Та нуналлы Шарканысь шор ёзо школаын тодон-валан басьтэ 1 сюрслэсь ятыр пиналъёс.

Экономика[Тупатыны | бамлэсь кодзэ тупатоно]

Шаркан черкогуртын ӟеч азинско пӧртэм удысъёс. Гурт удыс но, промышленность но. Тужгес но бадӟым предприятиос каргуртын: «Шаркан-трикотаж», «Шаркан етӥн», «Сельхозлес», «Сервис», «Шаркан РТП» но мукетъёсыз.

Культура[Тупатыны | бамлэсь кодзэ тупатоно]

Каргуртын ужа Культурая юрт, ёрос библиотека, Историяя но шаертодонъя музей, Киужъёсъя юрт, Нылпи творчествоя юрт, Спорт стадион.

  1. http://www.webcitation.org/6XGMZPE6J