Эрьзя, Степан Дмитриевич

Википедиысь материал
Перейти к навигации Перейти к поиску
Степан Дмитриевич Эрьзя
Портрет
Вордӥськон дыръя нымыз:

Степан Дмитриевич Нефёдов

Ужъёсыз:

скульптор[d] но суредаськись[d]

Вордӥськон нуналэз:

27-тӥ коньывуонэ (8-тӥ шуркынмонэ) 1876

Вордӥськон интыез:

Баево[d], Алатырский уезд[d], Симбирская губерния[d], Российской империя[d]

Кун:

Flag of Russia.svg Российской империя[d]
Flag of the Soviet Union.svg СССР

Кулон нуналэз:

24-тӥ шуркынмонэ 1959({{padleft:1959|4|0}}-{{padleft:11|2|0}}-{{padleft:24|2|0}}) (83 ар)

Кулон интыез:

Муско, РСФСР, СССР

Степан Дмитриевич Эрьзя Викискладын
Степан Эрьзя. Саранскысь музеез азьысь скульптура, быдэстӥз сое ачиз дано скульптор

Степа́н Дми́триевич Э́рьзя (зэмос фамилиез Нефёдов; вордскиз 1876-тӥ арын 27-тӥ коньывуонэ (8-тӥ шуркынмонэ), Симбирск губерняысь Алатырь уездысь Баево черкогуртын (али Мордовиысь Ардатовской ёрос — кулӥз 1959-тӥ арын 24-тӥ шуркынмонэ, Муско) — росси но совето суредась, пуэн ужась скульптор, модерн стилез азинтӥсь. Псевдонимез возьматэ эрзя луэмзэ.

Биографиез[Тупатыны | вики-текстэз тупатыны]

Степан Нефёдов вордскиз 1876-тӥ арын 27-тӥ коньывуонэ (8-тӥ шуркынмонэ) крестьян семьяын Баево эрзя черкогуртын. Алтышев черкогуртын черк школаез йылпумъяз. 1882-тӥ арын Нефёдовъёс Алатыре улыны выжизы. Суредаськонъя нырысетӥ урокъёсыз Степан Эрьзялэн Алатырьысь но Казаньысь оброс лэсьтонъя мастерскойёсын вал. 1902-тӥ-1906-тӥ аръёсы дышетскиз Мускоысь суреданъя, ваяния но зодчествоя училищеын С. М. Волнухин но П. П. Трубецкой дорын.

1906-тӥ-1914-тӥ аръёсы скульптор Италиын но Франциын улӥз. Татын кылдӥзы «Мӧзмон» («Тоска») (1908), «Пытсэтысь вӧсясь» («Тюремный священник»), «Берпуметӥ уй» («Последняя ночь») (1909), «Из даур» («Каменный век») (1911), «Марта» (1912) ужъёсыз. Венециысь, Миланысь (1909), Парижысь «Сӥзьыл салон» (1912) адӟытонъёсы пыриськыса, быдэс дуннелы тодмо луиз. Бергес Степан Эрьзя улэ но ужа Уралын (Мраморской черкогуртын но Екатеринбургын), Новороссийскын, Батумиын, Бакуын, Аргентинаын.

1950-тӥ арын солэн луонлыкез кылдэ берен СССР-е бертыны, 1951-тӥ арын со берытске дораз, трос ужъёссэ сьӧраз вае (пулэсь, гипслэсь, туйлэсь, мраморлэсь 180 скульптура, ваньмыз ӵош соос ог 175 тонна кыско). Бертэмез бере кивалтэт солы Москваын нимысьтыз мастерской висъяз, отын Эрьзя тыршиз но ялан ужась адӟытон усьтӥз. Отчы пырон понна котьку кузь черодын сылоно луиз. Автор ӵемысь учкисьёсты ачиз подвалъёстӥ нуллӥз.

1956-тӥ арын Эрьзя Ужъя Горд Знамялэн орденэныз пусъемын вал. Кулӥз со Мускоын 1959-тӥ арын 24-тӥ шуркынмонэ. Ватэмын Саранскын. Саранскын ик али интыяське С. Эрьзялэн бадӟым музеез.