12 толшор

12 толшор — арлэн 12-тӥ нуналыз григорианской календарья. Выль арозь 353 нунал кыле (354 нунал високосной аръёсын).

Али дыре юлиан календарьлэн 30-тӥ Толсурезлы огкадь луэ.

Луэм учыръёс

• 1774 — Юська Кудашёвлэн Пугачёвъя кариськем отрядэз, Иже лыктыса, заводлэсь казназэ талаз но тюрьмаын пукисьёсыз мозмытӥз.
• 1919 — Берлинын спартакистъёслэн ӝутсконзы зӥбемын.
• 1932 — Хэтти Кэрэуэй, Арканзасысь демократ, луиз нырысетӥез нылкышно сенатор.
• 1935 — кылдытэмын УАССР-лэн нырысетӥ правительствоез — УАССР-ысь Калык Комиссаръёслэн Советсы.
• 1945 — Горд армия кутскиз туж бадӟым наступлениез нацизмо Германилы пумит.
• 1950 — Совето Союзын изменалы, шпионажлы но саботажлы виыны пуктон берен сётэмын.
• 1956 — Леонард Васев нимо пыӵал устолыкъя школа усьтӥськиз Ижын.
• 1959 — Берри Горди зарегистрировать кариз куара гожъян Motown Records нимо компаниез.
• 1964 — Занзибарысь революция: Занзибарлэн берпум араб султанэз сэрпалтэмын.
• 1967 — крионировать каремын нырысетӥез адями, психологияя профессор Джеймс Бедфорд.
• 1974 — Ливия но Тунис огазеяськонзы но Ислам араб республикаез кылдытон сярысь ялӥзы.
• 1989 — Удмурт АССР-ысь калыкез берпум лыдъян-чотан кутскиз.
• 1990 — Румыния Ӵукпал Европаысь кунъёс пӧлысь нырысетӥез ворсаз коммунистической партиез.
• 2005 — Канаверал мунырысь лэземын «Deep Impact» космической аппарат.
• 2010 — музъем зуркан Гаити вылысь 220 сюрслэсь но трос адямиослэсь улонъёссэс нуиз.

Вордскизы

• 1628 — Шарль Перро, Франциысь кылбурчи но гожъясьчи-выжыкылчи.
• 1772 — Михаил Сперанский, Россиысь кун ужась, реформатор.
• 1876 — Джек Лондон, Америкаысь гожъясьчи.
• 1893 — Герман Геринг, немец омыр ожгар кужымъёсын кивалтӥсь Кыкетӥ дунневыл ож вакытын.
• 1903 — Игорь Курчатов, физик, академик, совето атомной бомбалэн «атаез».
• 1907 — Сергей Королёв, совето тодосчи, конструктор, практической космонавтикалэн инъясез.
• 1925 — Анатолий Попов, Удмуртиысь Совето Союзлэн Героез, Быдӟым Атыкай ожысь ветеран.
• 1936 — Раймонд Паулс, совето но латви композитор, дирижёр, пианиноен шудӥсь, СССР-ысь калык артист, Латвиысь культурая министр (1988—1993).
• 1949 — Харуки Мураками, Япониысь гожъясьчи но кылысь кылэ берыктӥсь.
• 1956 — Николай Носков, Россиысь кырӟась но композитор.

Кулӥзы

• 1665 — Пьер Ферма, Франциысь математик.
• 1909 — Герман Минковский, Германиысь математик.
• 1976 — Агата Кристи, Англиысь гожъясьчи, детективъёслэн авторзы.
• 2015 — Елена Образцова, ӟуч оперной кырӟась, СССР-ысь калык артист.