19 куарусён

19 куарусён — арлэн 262-тӥ нуналыз (263-тӥ нунал високосной арын) григорианской календарья. Выль арозь 103 нунал кыле.

Али дыре юлиан календарьлэн 6-тӥ куарусёнэзлы огкадь луэ.

Луэм учыръёс

• 1648 — Франциысь тодосчи Блез Паскаль возьматӥз омыр зӥбет вань шуыса.
• 1783 — монгольфьер лобыса Версальысь ыж, курег но ӵӧж нуэм.
• 1841 — нырысетӥ калыккуспо чугун сюрес лэсьтэмын (Страсбургысен Базелёзь).
• 1888 — Бельгиын Спа курортын чеберлыкъя историысь нырысетӥез вожвылъяськон ортчиз.
• 1891 — украинецъёслэн Канадае кошконзы кутскем.
• 1893 — Выль Зеландия дуннеын нырысетӥез нылкышноослы быръён правоез сётэм.
• 1918 — РСФСР-ысь Совнарком дугдытӥз художественной но исторической памятникъёсыз кунгож сьӧры нуылонэз.
• 1928 — Нью-Йоркын Микки Маус сярысь нырысетӥ мультфильм возьматэмын.
• 1941 — Быдӟым Атыкай ож: Киев усе вылэм.
• 1944 — Финляндия но СССР куспын Муско перемирие гожтэмын.
• 1952 — маккартизм ас йылаз тубем: Чарли Чаплин виноватэ уськытэмын коммунистъёсъя кариськеменыз.
• 1962 — Глазкарын усьтӥськиз калыклы бытовой юрттэт сётон фабрика.
• 1982 — Скотт Фалман ӵектӥз нырысетӥоссэ смайликъёсыз — :-) но :-(.
• 1985 — Мехикоын 8,1 баллъем музъем зуркан вылэм.
• 1990 — UNIX пользовательёслэн ассоциацизылэн ӵектэмезъя .su домен зарегистрировать каремын.
• 2006 — кун сэрпалтон Таиландын.

Вордскизы

• 1802 — Лайош Кошут, венгер кун ужчи, революционер но юрист.
• 1888 — Пётр Можаров, Россиысь инженер, Ижысь нырысетӥ мотоциклъёсты кылдытӥсь.
• 1908 — Мика Тойми Валтари, финн гожъяськись.
• 1920 — Карен Хачатурян, совето композитор, РСФСР-ысь калык артист.
• 1923 — Афанасий Русских, Балезино ёросысь Совето Союзлэн Геройез.
• 1945 — Михаил Атаманов (литературной псевдонимез — Эграпи Гавир Микаль), тодмо удмурт кылчи но черк ужась.
• 1957 — Евгений Бутолин, Удмуртиысь биохимик, медицина наукаосъя доктор.
• 1958 — Надежда Михайлова, Удмуртиысь эмъясь, 1-тӥ элькун клиникаё эмъюртлэн валтӥсь врачез.

Кулӥзы

• 1843 — Гюстав Гаспар Кориолис, Франциысь физик-механик.
• 1935 — Константин Циолковский, ӟуч тодосчи, космонавтикаез кылдытӥсь.
• 1973 — Иван Фонарёв, Вотка ёросысь Быдӟым Атыкай оже пыриськись, Совето Союзлэн Героез.