6 коньывуон

Толшор · Тулыспал · Южтолэзь · Оштолэзь · Куартолэзь · Инвожо · Пӧсьтолэзь · Гудырикошкон · Куарусён · Коньывуон · Шуркынмон · Толсур 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

6 коньывуон — арлэн 279-тӥ нуналыз (280-тӥ нунал високосной арын) григорианской календарья. Выль арозь 86 нунал кыле.

Али дыре юлиан календарьлэн 23-тӥ куарусёнэзлы огкадь луэ.

Праздникъёс

•  удмуртъёс — Эльвӧсь. Эльмаш вӧсь (Луд вӧсь). Вылӥ мычон.

Луэм учыръёс

• 3761 а. э. азьвыл — еврей календарьлэн нырысетӥ нуналыз.
• 105 а. э. азьвыл — тевтонъёс но кимвръёс вормизы римлянинъёсты Араузион дорын.
• 1536 — ересен сэрен тылскемен сутэмын Уильям Тиндейл, Англиысь оскон удысын реформатор, Библиез англи кылэ берыктӥсь.
• 1600 — Палаццо Питтиын утиськем операосысь тужгес вужезлэн, «Эвридикалэн», премьераез ортчиз.
• 1689 — Римской папае Александр VIII быръемын.
• 1769 — англи мореплаватель Джеймс Кук Выль Зеландия дуре потӥз.
• 1889 — Парижын усьтӥськиз «Мулен Руж» кабаре.
• 1908 — Боснийской кризис: Австро-Венгрия Босниез но Герцеговинаез аннексировать кариз.
• 1920 — Кремльын Герберт Уэллс но Владимир Ленин пумиськизы.
• 1921 — Можга утемысь сютэм улӥсьёслы юрттэт сётонъя комиссия кылдытэмын.
• 1924 — Глаз карын вӧй поттон завод инъямын, али дыре со «Глазов-молоко» шуыса нимаське.
• 1927 — прокатэ потӥз коммерциен удалтэм нырысетӥ куараё фильм, «The Jazz Singer» (Ӝаз кырӟась).
• 1944 — Болгариын калык трибуналъёс кылдытэмын.
• 1973 — Судной нуналлэн ожез: Египет но Сирия Израиле кужмысь пыриллям.
• 1976 — Хуа Гофэн косӥз «ньыльназылэсь бандазэс» пытсаны.
• 1984 — Ижын Шор площадьын усьтӥськиз Удмуртиысь операя но балетъя кун театр.

Вордскизы

• 1914 — Тур Хейердал, Норвегиысь путешественник.
• 1930 — Хафез Асад, Сирилэн президентэз (1971—2000).
• 1936 — Анатолий Калинников, Ижкарысь инженер-механик, техника наукаосъя доктор, ИжГТУ-лэн проректорез (1983—1985).
• 1952 — Владимир Гусинский, Россиысь азьвыл медиамагнат.
• 1974 — Дмитрий Губерниев, Россиысь телеведущий, спортивной комментатор.

Кулӥзы

• 1517 — Фра Бартоломмео, Италиысь живописец.
• 1953 — Вера Мухина, тодмо советской скульптор.
• 1991 — виемын Игорь Тальков, ӟуч кырӟась.
• 1998 — Ролан Быков, актёр, режиссёр, сценарист, СССР-ысь калык артист.
• 2010 — Лев Казберов, Удмуртиысь хормейстер но дирижёр.
• 2018 — Монсеррат Кабалье, Испаниысь Каталониысь оперной кырӟась (сопрано).