7 коньывуон

Толшор · Тулыспал · Южтолэзь · Оштолэзь · Куартолэзь · Инвожо · Пӧсьтолэзь · Гудырикошкон · Куарусён · Коньывуон · Шуркынмон · Толсур 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

7 коньывуон — арлэн 280-тӥ нуналыз (281-тӥ нунал високосной арын) григорианской календарья. Выль арозь 85 нунал кыле.

Али дыре юлиан календарьлэн 24-тӥ Куарусёнэзлы огкадь луэ.

Праздникъёс

•  удмуртъёс — Мукылчин виро.

Луэм учыръёс

• 1506 — папа Юлий II огазеяз Болонья карез Папа улос борды.
• 1571 — Лепанто дорын ожмаськон, христианъёс нырысьсэ вормизы Осман империез.
• 1793 — Реймсын калыклэн син азяз Дун-чылкыт Ампула сӧремын вал.
• 1826 — Массачусетсын США-ысь нырысетӥез чугун сюрес усьтэмын.
• 1897 — Вильнюсын «Бунд» инъямын — Быдэс Россиысь еврейёслэн рабочей союззы.
• 1905 — кутскиз Быдэс Россиысь политической стачка.
• 1909 — Зиминлэн оперной театраз «Золотой петушок» опералэн премьераез дуннелы сётэмын.
• 1918 — Горд армилэн Ватка дивизиез Шаркан черкогуртэз тӧдьыослэсь мозмытӥз.
• 1922 — Эграысь химической завод ужаны ӧдъяз.
• 1932 — Нижний Новгород шаерлы, кытчы Удмурт автономи улос пыре вал, выль ним сётэмын — Горький шаер.
• 1949 — Германиысь Демократи Республика (ГДР) кылдытэмын. Таиз нунал ГДР-ын луиз национальной праздник — Республикалэн нуналыз.
• 1958
  • Удмурт геофизической экспедиция кылдытэмын, 1995-тӥ арысен — «Удмуртгеофизика».
  • Сирия но Египет асьсэлэсь правительствооссэс куштыса ОАР-лэсь огъя правительствозэ кылдытӥзы.
• 1975 — Эшласькон, огкылысь ужан но пунэмен юрттон сярысь договор СССР но ГДР куспын гожтэмын.
• 1977 — СССР-лэн куинетӥ конституциез кутэмын.
• 1993
  • адӟытонъёсъя «Галерея» муниципал центр усьтэмын.
  • быдтэмын 1-тӥ номеро пост Ленин мавзолей бордын.
• 1996 — вещаниез ӧдъяз иворъёсъя уен-нуналэн ужась телеканал Fox News.
• 1998 — Дэри ёрослэн администрациезлэн Калыкез утёнъя управлениез кылдытэмын.
• 2001 — США калыккуспо коалицилэн юрттэтэныз Афганистанын ожгар операциез кутскизы.

Вордскизы

• 1885 — Нильс Бор, Даниысь физик, Нобель премилэн лауреатэз (1922).
• 1900 — Генрих Гиммлер, Куинетӥ рейхлэн валтӥсь ожгар но политической ужчиосызлэн огзы.
• 1917 — Иван Репин, Удмуртиысь Быдӟым Атыкай оже пыриськись, Совето Союзлэн Героез.
• 1925 — Валентин Соколов, Удмуртиысь тодосчи, гурт возёс наукаосъя доктор.
• 1934 — Ульрика Майнхоф, Шунды пуксён пал Германиысь террорист, журналист, педагог, социолог но теледокументалист, мерлыко ужчи, «Горд Армилэн Фракциезлэн» (RAF) кивалтӥсьёсызлэн но теоретикъёсызлэн огзы.
• 1949 — Альбина Ядыгарова, Удмуртиысь куиськонъя мастер-художник.
• 1952 — Владимир Путин, Россилэн президентэз.
• 1958 — Михаил Федотов, Удмуртиысь бесермян кылбурчи но журналист.
• 1982 — Анастасия Стоцкая, ӟуч кырӟась, актриса.

Кулӥзы

• 1849 — Эдгар Аллан По, Америкаысь гожъяськись, кылбурчи но литература дунъясь.
• 1896 — Джон Даун, Великобританиысь тодосчи, кудӥз Даун синдромез шараяз.
• 2000 — Палладий (Шиман), Ижысь но Удмуртиысь епископ (1988—1993).
• 2006 — виемын Анна Политковская, Россиысь журналист.