Minecraft
| Minecraft | |
 | |
| Кылдытӥсез | Mojang |
| Поттӥсьёсыз | Mojang Microsoft Studios Sony Computer Entertainment |
| Лэсьтӥсьёсыз | Маркус Перссон (2009—2011) Йенс Бергенстен (2011 арысен) |
| Суредасьёсыз | Хенрик Петтерссон, Маркус Тойвонен, Кристофер Зеттерстранд |
| Крезьгурчиез | C418, Lena Raine |
| Нырысетӥ поттонэз | 18 шуркынмон 2011 арын |
| Ӧръёсыз | Луоен шудон, улэп кылён |
| Чаклэтъёсыз | Оген шудон, люкен шудон (кӧня ке шудӥсез) |
Minecraft (англ. mine «шахта» но craft «ӧнер» кылъёслэсь) — Маркус Перссон швед програмчи кылдытэм но Mojang студи 2011 арын поттэм луоен шудон ӧръем видео-шудон. Шудонэз, Mojang студиен ӵош ик, Microsoft 2014 арын басьтӥз. Minecraft — вань дырысь тужгес но ӟеч басьтӥськисез видео-шудон; ваньзэ платформаосты лыдэ басьтыса, 2019 ар пумозь 180 миллион копиез вузамын вал. Толэзьлы быдэ 112 миллионлэсь трос сэзь шудӥсез вань.
Minecraft шудӥсьёс процедурен кылдытэм блокъёслэсь, пиксельёслэсь 3D дуннеез эскеро но материал потто, тӥрлык лэсьто, юртъер пукто, мукет шудӥсьёсын огазеясько яке ӵошатско. Шудон чаклэтъёсыз пӧлын: дуннеез воштыны но тазалыкез возьыны вылысь ванёс люкано улэп кылён чаклэт но ванёс быронтэм креатив чаклэт. Со сяна, выль шудонӧр, арбериос но пуштрос ватсась модъёс пуктыны луэ.
Minecraft-лэн оген но люкен (кӧня ке шудӥсен) шудыны луонлык вань.
Шудон мынэт
[Тупатыны | бамлэсь кодзэ тупатоно]Minecraft «луоен шудон» луэ, соин солэн пуктэм ужпумыз ӧвӧл. Шудӥсьёсыз мылкыдзыя ас шудон сюрессэс быръяло[1]. Шудон ортчемъя, шудӥсь маке каремез понна азинсконъёс басьтылэ[2].
Шудӥсь персонаженыз нырысь муртысь кивалтэ, но солэн озьы ик куинетӥ муртысь чаклэтэ выжемез луэ[3].
Дуннеез
[Тупатыны | бамлэсь кодзэ тупатоно]Дуннеез 3D объектъёслэсь пӧрмемын. Соос «блокъёс» нимасько (англ. Block) но ог-огзылэсь текстураенызы, физик но мукет тодметъёсынызы висъясько. Шудон блок люкамлэсь но понэмлэсь пӧрме. Му, из, руда, писпу, ву, лава но мукет блокъёс вань. Шудӥсьлэн пӧртэм юртъер пуктэмез луэ, соин ик шудон LEGO конструкторлы кельше[4].
Шудон дунне пумтэм-йылтэм луэ но, шудӥсь сое эскеремъя, процедурен кылдытылӥське[5], шудэм азьын пуктэм кидысэз яке дуннеез кылдытон дыръя система часэз лыдэ басьтыса[6]. Выллань мынон сюбегатӥське, нош горизонталь ӵошкыттӥ пумтэм бадӟым дунне кылдытыны луэ. Озьы ке но, техник ужпумъёсын сэрен дуннелэн шорысьтыз 30.000.000 блок кемын шудӥсь ортчонтэм висъет пуктэмын. Дуннелэн пумтэм луэмез понна шудон солэсь тодэтъёссэ пичигес «чанк» шуон (англ. chunk) ёзъёслы люке, соос шудӥсь матэктэмъя дискысь кыскисько яке номырысь кылдытӥсько[5]. Дунне люкиське биомъёслы — инкуазь аспӧртэмлыкъёс ласянь огвыллем улосвылъёслы: бушкыр бордысен тундра бордозь. Музъем вылыз ӵошал, гурезё, мугырко, лава яке ву тыо луэ. Шудон дыр уй-нунал циклъя мынэ но, одӥг шудон уй-нунал 20 зэмос минут кыстӥське.
Валэктонъёс
[Тупатыны | бамлэсь кодзэ тупатоно]- ↑ Anthony Gallegos (23 шуркынмон 2011) Minecraft Review(англи) IGN.
- ↑ Alec Meer (30 южтолэзь 2011) Minecraft:Wolves, Achievements, Mods, Merch(англи) Rock, Paper, Shotgun.
- ↑ Robert Purchese (23 шуркынмон 2011) Minecraft 1.0 launch patch notes(англи) Eurogamer.
- ↑ Jeremy Ashdown (11 шуркынмон 2010) This is Minecraft(англи) IGN.
- 1 2 Маркус Перссон (10 южтолэзь 2011) Terrain generation, Part 1(англи) Mojang.
- ↑ Йенс Бергенстен (23 тулыспал 2012) A Short Demystification of the 'Map Seed'(англи) Mojang.