Перевощикова, Александра Ивановна
| Александра Ивановна Перевощикова | |
| Ужан удысэз: |
врач-педиатр |
|---|---|
| Вордӥськем нуналыз: | |
| Вордӥськем интыез: | |
| Кулон нуналыз: |
6-тӥ толсуре 1995 (90 арес) |
| Данъянъёсыз: |
Ленин нимо орден, «Знак Почёта» орден |
Александра Ивановна Перевощикова (29 октябрь (11 ноябрь) 1905-тӥ ар — 6 декабрь 1995-тӥ ар) — врач-педиатр, РСФСР-ысь дано эмъясь, нырысетӥ удмурт нылкышно-профессор.
Улон сюресэз
[Тупатыны | бамлэсь кодзэ тупатоно]Александра Ивановна Перевощикова вордӥськиз 29 октябре (11 ноябре) 1905-тӥ арын Вятской губерниысь Глаз уездысь Трубашур гуртын.
1929-тӥ арын Пермьысь университетысь медициная факультетэз йылпумъяз.
Медицина удысын тыршыны кутске Глазысь нылпиослэсь тазалыксэ утёнъя пунктын.
1931-тӥ арысен Ижын ужа участковой педиатр, нылпи консультацилэн заведующиез, нылпи садысь но Нылпи юртысь эмъясь луыса. Со вакытэ ик медициная училищеын студентъсты дышетӥз.
1937-тӥ арысен — ассистент, бӧрысь Ижысь медициная институтысь нылпи висёнъёсъя кафедралэн заведующейлэн должностяз юнмато.
Тодон ласянь тунсыкъяськиз Удмуртиысь нылпиослэн тазалыкенызы. Кылдытӥз аслэсьтыз педиатр школазэ, кытын солэн кивалтэмез улсын нылпиослэн шокан ёзъёслэсь висёнъёссэ, рахит висёнэз эмъян но профилактика юанъёс эскерисько.
Александра Ивановна Ижысь медициная институтысь педиатрияя факультетез усьтонлы трос кужымзэ сётиз. Озьы ик солэн сюлмаськеменыз нылпи осты эмъянъя «Селычка» санаторий усьтэмын вал.
А. И. Перевощикова профессор кивалтэм улсын 20 кандидатской но 3 докторской ужъёс гожтэмын вал. 70 тодос статьяослэн авторез луэ.
1958-1965-тӥ аръёсы СССР-ысь Вылӥ Советлэн но УАССР-ысь Вылӥ Советлэн депутатэз луыса тыршиз.
Ленин нимо орденэн, «Знак Почёта» орденэн, медальёсын пусъемын. А. И. Перевощикова — РСФСР-ысь дано врач, Удмурт Республикаысь наука удысысь дано ужась, Ижысь дано гражданин.
Книгаосыз
[Тупатыны | бамлэсь кодзэ тупатоно]- Как воспитать здорового ребенка. Ижевск, 1952; Острые заразные болезни у детей и борьба с ними. Ижевск, 1955; Сборник работ по физическому развитию. Ижевск, 1957; Моя судьба — дети. Ижевск, 1985.