Ватка губерния

Википедиысь материал
(Ыстэмын «Вятской губерния» бамысь)
Перейти к навигации Перейти к поиску
Ватка губерния
Герб
Вятская губерния МВД Бенке.jpg
Шаер

Российской империя[d] но Российская Социалистическая Федеративная Советская Республика[d]

Кытчы пыре

Российской империя[d] но РСФСР

Административной центрез

Ватка

Улӥсьёс

3 030 831 адями (1897)[1]

Быдӟалаез

169 629 км²

Commons-logo.svg Ватка губерния ВикиCommons-ын
Координатаос: 58°36′ у. ш. 49°39′ ӵ. д. / 58.6° у. ш. 49.65° ӵ. д. (G) (O) (Я)

Ватка губерния — Россиысь (Россия империысь, Россия республикаысь, Кенешо Союзысь) губерния. Губерни кар — Ватка. Кылдӥз 1796-тӥ арын Кузон губерниысь Ватка наместничестволэн интыяз. 1929-тӥ арын солэн музъемез Нижний Новгород улосэ пыре.

1775-тӥ арын Екатерина II-тӥлэн указэзъя кылдытэм Ватка наместничество люкемын 13 утемлы (уездлы): Ватка, Орлов, Глаз, Сарапул, Алабго, Слободской, Кайгород, Уржум, Котельнич, Царёвосанчурск, Малмыж, Яранск но Нолинск. Уезд каръёс: Глаз, Алабго, Котельнич, Малмыж, Нолинск, Орлов, Сарапул, Слободской, Уржум, Яранск.

XIX-тӥ дауре губернилэн улонэз юн герӟаськемын вал Россиысь политика но мер улонэн. 1812-тӥ арын люкам калык ополчение Вятка губернилэн ог 20 000 улӥсьёсыз гожтӥськиз. Тужгес тодмоез соос пӧлысь — «ныл-кавалерист» Надежда Дурова (1783—1866).

Ватка музъем вылэ трос аръёс ӵоже ысъяллям ссыльнойёсты. Та музъем вылтӥ ортче вал Сибирь тракт — ссыльнойёсты Сибире келян сюрес (со вылэ ог 100 пала декабристъёс ортчемын). Куд-огез ссыльнойёс Вятка карын улэмын. 1830-60-тӥ аръёсы татчы тросэз полякъёс Поляк эксэйлыкын ортчем бугыръяськонъёсы пыриськемзы понна ссылкае келямын вал. Татчы ик ссылкае келямын вал А. Л. Витберг, А. И. Герцен, М. Е. Салтыков-Щедрин.

XIX-тӥ даурлэн пумаз Ватка губерниын революци-демократи мынон кужмояны кутскиз. Трос революционеръёс — Ватка губернилэн нылъёсыз но пиосыз вылӥллям: М. П. Сажин, Н. А.Чарушин, С. Н. Халтурин, Л. В. Чемоданова, А. Д. Кувшинская, А. В. Якимова.

Быдӟым Октябрь социализмо революция бере Ватка губернилэн кивалтон но музъемъёслы люкон югдурез воштӥськыны кутскиз.

  • 1918-тӥ арын кылдытэмын Советск уезд.
  • 1919-тӥ арын Лымшор Ватка гурезь округ кылдыто.
  • 1920-тӥ арын Алабго, Сарапул но Глаз уездъёсын ӵош Малмыж, Уржум но Яранск уездъёслэн ог люкетъёссы Пермь губерние, Татреспубликае, Вотской но Мариийской автономи округъёсы пыризы.
  • 1921-тӥ арын кылдытэмын Омутнинск уезд.
  • 1923-тӥ арын Орлов уездлэсь нимзэ Халтурин нимен вошто.
  • 1924-тӥ арын Советск уезд, 1928-тӥ арын Уржум уезд быдтэмын.
  • 1929-ти арын Ватка губерния но вань уездъёсыз быдтэмын, музъемез Кенешо Союзлэн пӧртэм шаеръёсаз пыртэмын.

Валэктонъёс[Тупатыны | вики-текстэз тупатыны]