Средиземной зарезь

Средиземной зарезь
38° с. ш. 17° в. д.
Площадез	2 500 000 км²
Объёмез	3 839 000 км³
Океан	Атлантической океан
Средиземной зарезь ВикиCommons-ын

Средиземной зарезь — Атлантической океанлэн музъемвис, межматериковой зарезез. Шунды пуксён палан океанэн со Гибралтар проливен герӟаське. Средиземной зарезьын таӵе зарезьёсты висъяло: Альборан, Балеар, Лигур, Тиррен, Адриатической, Ионической, Эгей. Средиземной зарезьлэн бассейназ озьы ик пыртыло Мрамор зарезез, Сьӧд зарезез, Азов зарезез.

Средиземной зарезь мувыре Европа, Африка но Азия вискы мычиське. Средиземной зарезь бассейнлэн зарезьёсызлэн ярдуръёсазы пото кунъёс: Испания, Франция, Италия, Мальта, Словения, Хорватия, Босния но Герцеговина, Черногория, Албания, Греция, Болгария, Румыния, Украина, Россия, Грузия, Турция, Кипр, Сирия, Ливан, Израиль, Египет, Ливия, Тунис, Алжир, Марокко. Уйпал-шунды ӝужан палан Дарданеллы проливен со герӟаське Мрамор зарезен но отӥяз Босфор пролив пыртӥ — Сьӧд зарезен, лымшор но шунды ӝужан палан Суэц канал пыртӥ — Горд зарезен. Площадез 2500 сюрс квадрат иськем. Вулэн объёмез 3839 сюрс км³. Шоро-куспо мурдалаез — 1541 метр, максимальноез — 5121 метр. Тужгес валтӥсь сюмъёсыз: Валенси, Лион, Генуя, Таранто, Сидра (Бадӟым Сирт), Габес (Пичи Сирт); тужгес но бадӟым шормуӵъёсыз: Балеар шормуӵъёс, Корсика, Сардиния, Сицилия, Крит но Кипр. Средиземной зарезе усё Эбро, Рона, Тибр, По, Нил но мукет бадӟым шуръёс.