Аксакшур гурт

Википедиысь материал
Гурт
Аксакшур гурт
Кун Россия
Историез но географиез
Лыдпусо тодметъёс
Почта интыпусэз 427804
Показать/скрыть карты

АксакшурПичи Пурга ёросысь вашкала удмурт гурт.

Аксакшур — кылдэмын кык люкетлэсь Аксак но шур. Аксак — бигер ним, берыктӥське удмурт кылэ чутӥсь шуыса, шур – топонимика. Тани ма мадё Аксак гуртлэн кылдэмез сярысь: «Вазен дыръя, калыкъёс племяен улон вакытэ, ӟеч музъемъёс уг ни сюро вылэм, пудо вордыны ӟеч возьёс уг ни тырмо вылэм. Соин сэрен адямиос яна потыны ӧдъяллям.»

Окшак (пиосмурт ним) аслаз семьяеныз яна потэм но ӟеч музъем утчаса шур валлин вылӥе тубем. Котькуд адямилы вылтусызъя, вырем манерезъя ним сёто уго. Бигеръёс Окшакез Аксак шуиллям, со пересь уго чутӥсь вылэм. Со дырысен Окшакез Аксак шуыны кутскизы.

Семьязэ Аксак дугдытӥз Канжашур (нюк ним) доры. Соослы та инты туж кельшиз, отчы ик интыяськизы. Озьы каллен улонзы ӧръяськиз. Шур валлин пуктылӥзы коркаос (Аксаклэн пиосыз будӥзы но яна потӥзы), со ик гуртлэн кылдэмез но луиз. Пыр-поч кӧня арын кылдэмзэ Аксак гуртлэсь нокин но уг тоды.

Туннэ нуналлы Аксакшурын 210 коркаез; 732 улӥсез но 68 дышетскисез.

Школалэн кылдон но азинскон сюресэз[Тупатыны | бамлэсь кодзэ тупатоно]

  • 1897-тӥ арын — 2 классъем земской общеобразовательной школа. Дышетскиз 30 адями, соос пӧлын одӥг ныл гинэ вал. Дышетӥсьсы - Рублёв.
  • 1905-тӥ арын — начальной школа луэм. Дышетӥсез, директорез вал Сяктерев.
  • 1949-тӥ арын — луиз 5 классъем школа.
  • 1959-тӥ арын — луиз 7 классъем школа. Директорез вал Ефремов Ефрем Фёдорович.
  • 1962-тӥ арын — луиз 8 классъем школа.
  • 1979-тӥ арын — луиз средняя школа.
  • 1993-тӥ арын — луиз средняя общеобразовательная школа.
  • 2002-тӥ арысен — МОУ СОШ.

Школаен кивалтӥзы[Тупатыны | бамлэсь кодзэ тупатоно]

  • 1962-1983-тӥ аръёсы кивалтӥз Кабанова Акулина Ивановна
  • 1983-1988-тӥ аръёсы кивалтӥз Замятина Мария Ивановна
  • 1988-1990-тӥ аръёсы кивалтӥз Пальянова Нина Евгеньевна
  • 1990-2006-тӥ аръёсы кивалтӥз Беспалова Людмила Александровна
  • 2006-тӥ арысен туннэ нуналозь кивалтэ Ушаков Александр Павлович