Алатырев, Василий Иванович

Википедиысь материал
Василий Иванович Алатырев
Alatyrev Vasilij Ivanovich.jpg
Вордӥськон нуналэз:

1-тӥ гудырикошконэ 1908(1908-08-01)

Вордӥськон интыез:

Российской империя[d]

Кун:

Flag of the Soviet Union.svg СССР

Кулон нуналэз:

1-тӥ шуркынмонэ 1994(1994-11-01) (86 ар)

Кулон интыез:

Иж, Удмурт Автономной Совет Социалист Республика, Ӟуч СФСР, СССР

Василий Иванович Алатырев

Василий Иванович Алатырев - тодмо удмурт кылчи, удмурт но фин-угор кылъёсъя специалист, филология наукаосъя кандидат (1937), доцент (1938), УАССР-ысь наука удысысь дано ужась, Финн-угор калыкъёслэн обществозылэн ёзчиез (1968). Вордӥськиз нырысетӥ гудырикошконэ 1908-тӥ арын Татарстанысь Бавлы ёросысь Покровской Урустамак черкогуртын. Кулӥз нырысетӥ (1) шуркынмонэ (ноябрь) 1994-тӥ арын

1934-тӥ арын йылпумъяз Ленинградысь педагогикая кун институтэз. 1936-тӥ-1937-тӥ аръёсы ужаз СССР-ысь Кылъёсъя институтлэн Ленинградысь ёзаз. 1937-тӥ-1944-тӥ аръёсы Карело-Финской университетысь ӟуч кылъя кафедраен кивалтӥз. 1955-тӥ-1980-тӥ аръёсы УдНИИ-ысь удмурт кылъя сектореныз валтӥз.

Диссертация ужез (1937) сӥземын вал определительной сложной удмурт кылъёслы. Василий Иванович глаголъёслэн системаязы усьтӥз притворностья, фиктивностья категориосты. Тодосчиосты паймытӥз выль яркыт усьтонэныз: кылъёс кылдо, кыллэн кореняз гласной гожпусъёс вошъясько ке.

Василий Алатырев - тодослы сӥзем 160 ужлэн кылдытӥсез. Со ужъёс ваньмыз сямен сӥземын грамматикалы, кылъёслэн кылдэмзылы, удмуртъёслэн но карелъёслэн этногенеззылы. Уката тунсыко луо удмурт гожъяськетлэн историезлы сӥзем ужъёсыз.

Чӧлсконъёс[Тупатыны | вики-текстэз тупатыны]