1 гудырикошкон

1 гудырикошкон — арлэн 213-тӥ нуналыз (214-тӥ нунал високосной арын) григорианской календарья. Выль арозь 152 нунал кыле.

Али дыре юлиан календарьлэн 19-тӥ пӧсьтолэзезлы огкадь луэ.

Луэм учыръёс

• 1291 — кылдэмын Швейцария конфедерация.
• 1514 — Смоленск басьтэмын Василий III-лэн войскоосыныз.
• 1774 — Джозеф Пристли усьтӥз кислород.
• 1798 — Наполеон Абукир вӧзын зарезь ожын флоттэк кылиз.
• 1876 — Колорадо луиз США-лэн 38-тӥ штатсы.
• 1914 — Нырысетӥ дунне ож: Германия Россилы война ялӥз.
• 1924 — Совето Союзын Горд Знамялэн орденэз кылдытэмын.
• 1927 — РСФСР-ысь ВЦИК-лэн но Совнаркомлэн пуктэмзыя Ленинград улос кылдытэмын.
• 1939 — Совето Союзлэн Геройёсыз понна «Зарни Кизили» медаль кылдытэмын.
• 1944 — Аннэ Франк солэн дневниказ берпуметӥ гожъям лэсьтэм.
• 1960 — Дагомеялы (алиала Бенин) эрик ялэмын.
• 1963 — Камбарка карын механизировать карем пекарня нянь пыжон завод шуыса нимаськыны кутскиз.
• 1978 — Вотка карын нылпиослы художественной школа усьтэмын.
• 1981 — США-ын ужаны кутскиз MTV телеканал.
• 1993 — Глаз пумын сылӥсь тодмо Иднакар гуӵин пӧрмиз усьтэм ин улысь музейлы.

Вордскизы

• 10 а. э. азьвыл — Клавдий, римской император (41—54).
• 1744 — Жан Батист Ламарк, Франциысь биолог.
• 1885 — Дьёрдь де Хевеши, венгер химик, Нобель премилэн лауреатэз (1943).
• 1907 — Илья Ходырев, Ижысь ӟуч совето театральной суредась.
• 1908 — Василий Алатырев, тодмо удмурт кылчи, удмурт но финн-угор кылъёсъя специалист.
• 1915 — Василий Захарченко, писатель, «Техника — молодёжи» журналлэн азьвылыз валтӥсь редакторез.
• 1923 — Валентина Леонтьева, телеведущой но телевидениысь диктор, СССР-ысь калык артист.
• 1936
  • Ив Сен Лоран, Франциысь модельер.
  • Юрий Веркиенко, инженер-электромеханик, ИжГТУ-лэн профессорез.
• 1943 — Владимир Романов, удмурт совето кылбурчи но журналист.
• 1948
  • Аркадий Мальчиков, Удмуртиысь эмтодосчи.
  • Виктор Якимов, Удмуртиысь дано журналист.
• 1949 — Курманбек Бакиев, киргиз политик, Киргизилэн азьвылыз президентэз (2005—2010).
• 1957 — Александр Галушко, Удмуртиысь музыкант.

Кулӥзы

• 30 а. э. азьвыл — Марк Антоний, римской военачальник но триумвир.
• 1913 — Леся Украинка, украин кылбурчи, писатель, кылысь кылэ берыктӥсь.
• 1938 — Семён Урицкий, совето ожгар ужась, РККА-лэн разведуправлениезлэн начальникез, комкор.
• 1946 — Андрей Власов, совето военачальник-коллаборационист, Ӟуч мозмытӥсь армиен кивалтӥсь.