Баушев, Константин Михайлович

Википедиысь материал
Константин Михайлович Баушев
Ужан удысэз: кылчи
Вордӥськем нуналыз: 30-тӥ куарусёнэ 1894(1894-09-30)
Вордӥськем интыез: Брангурт, Сарапул утем, Ватка губерния
Кун: Ошибка Lua в Модуль:Wikidata/Places на строке 531: attempt to call field 'getPropertyInBoundaries' (a nil value).
Кулон нуналыз: 30-тӥ южтолэзе 1977(1977-03-30) (82 арес)
Кулон интыез: Ленинград, РСФСР, СССР

Константи́н Миха́йлович Ба́ушев (1894 аре 18 (30) сентябре — 1977 аре 30 мартэ) — удмурт кылчи, методист.

Вордскемын 1894 аре 18 (30) сентябре Ватка губерняысь Сарапул утемысь Брангурт гуртын.

Дышетскемын Кузонысь духовной семинариын но духовной академиын. Академиысь потэм бере Баушев Удмуртиысь гурт школаосын, Ижысь педтехникумын удмурт но ӟуч кылъёслы дышетылӥз. 1926 аре со Ленинградысь пединститутэ аспирантурае пыре; 1928 арысен, аспирантураез быдэстэм бераз, Баушев со институтын ик ӟуч кылъя кафедраын доцент луыса пенсие потытозь ик ужаз.

19331939 аръёсы Баушев СОФИН ужъя пытсэт сьӧрын пуконо луиз. Пытсэт сьӧрысь потыса, со ужаз Томскысь мединститутын, собере — нош ик Ленинградын. 19411945 аръёсы Баушев Ленинградэз утёнын ожмаськиз.

Константин Баушев кулӥз 1977 аре, 30 мартэ Ленинградын.

Научной ужъёсыз удмурт кыллэсь грамматиказэ эскеронлы но ӟуч кылэз удмурт школаосын дышетон методикалы сӥземын вал. Соос пӧлысь уката ик дуно луэ «Синтаксический строй вотской речи и генезис частиц союзного порядка» (М.-Л., 1929) шуыса нимам монография.