Кузон

Википедиысь материал
Кар
Кузон
Lua янгыш: expandTemplate: template "lang-tt-latn" does not exist.
Флаг[d] Герб[d]
Флаг[d] Герб[d]
55°47′27″ с. ш. 49°06′52″ в. д.HGЯO
Кун Россия
Глава Ильсур Раисович Метшин[d]
Историез но географиез
Кылдэм дырыз 1005
Нырысьсэ тодэ уськытон 1391[1]
Площадез 613 км²
Шоринтылэн ӝуждалаез 60 метр
Часовой пояс UTC+3:00[d]
Улӥсез
Улӥсез
  • 1 259 173 чел. (2022)
Плотностез 1915 чел./км²
Агломераци 1 560 000
Официальной кылыз ӟуч кыл и Бигер кыл
Лыдпусо тодметъёс
Телефон кодэз +7 843
Почта интыпусэз 420000–420999

Шаблон:URL
Кузон на карте
Кузон
Кузон
Логотип Викисклада Медиафайлы на Викискладе

Кузон (биг. Казан, ӟуч Каза́нь) — Россия Федерациысь кар, Татарстан Республикалэн шоркарез, вузкаронъя, транспортъя, наукая, религияя но промышленностья центр.

Татарстан Республикаысь Президентлэн дворецез Кузон кремльын

Улӥсьёсыз:(2005):

  • 1,110 млн. адями (карлэн границаосаз) (Россиетӥ 8-тӥ интыын),
  • 1,161 млн. адями (муниципальной образованилэн границаосаз) (Россиетӥ 6-тӥ интыын),
  • 1,360 млн. адями агломерациын (Россиетӥ 9-тӥ интыын).

Нимыз но историез[Тупатыны | бамлэсь кодзэ тупатоно]

Та карлэн вашкала удмурт нимыз (али вакытэ со пумозяз вунэмын ӧвӧл на) — Кузон, бигер кылынКазан. Со нимлэн кытысь потэмез пумысен учёнойёс огкылэ вуэмын ӧвӧл. Тужгес оскымын луэ таӵе версия, кудӥз Казаньлэсь нимзэ Булгарын 1367-1370 аръёсын кивалтыса пукем Хасан-ханлэн нимыныз герӟа.

Казаньлэн кылдон дырыз пумысен но споръяськонъёс мыно. Бигер археологъёс оскыто, Казань 1005 аръёсы волга булгаръёслэн карзы луыса кылдытэмын вал. Мукет учёнойёс талы уг оско, Казань, пе, XIII даурлэсь вазьгес кылдыны уг быгаты вал, шуо. Кызьы ваньмыз со зэмзэ вал, шуг вераны.

Котьма ке но, XIII-XIV дауръёсы Казань Зарни Ордалэн вузкаронъя но политикая центръёсыз пӧлысь бадӟым рользэ шудэ. 1408 аре Казаньысь кивалтӥсьёс асьсэлэсь коньдонзэс поттыны кутскизы. 1438 арысен Кузон ханстволэн шоркарез луэ.

1552 арысен Казань Россие пыре. Со аре Россиысь эксэйлэн Иван Грознойлэн ожгарчиосыз басьтӥзы но быдэс Кузон ханствоез киултыны кутскизы (ӧжыт бергес Россие лымшор удмуртъёс но пыриллям). 1708 арысен Казань — Казан губернялэн центрез. 1919 аре со луиз огъя Бигер-Башкорт АССР-лэн шоркарез, нош 1920 арысен со нимаз Бигер АССР-лэн шоркарез луэ ини. 1990 арысен со — Татарстан Республикалэн шоркарез.

Казаньлэн ролез удмурт калыклэн историяз[Тупатыны | бамлэсь кодзэ тупатоно]

Уно аръёс ӵоже Казаньын пукиллям лымшор удмуртъёслэн кивалтӥсьёссы — нырысьсэ бигеръёс, собере ӟучъёс. Отысь быдэс Волга-Урал регионэтӥ паськыт вӧлмыны кутскиз христиан оскон. Казаньысь университет калыкез югдытонъя туж бадӟым рользэ шудӥз. Университетлэн типографияз печатламын вал нырысетӥ удмурт книгаос (1847). Казаньын ик дасямын вал нырысетӥ удмурт грамматика (1775). Отын ик нырысьсэ малпамын вал нимысьтыз удмурт алфавит (Ильминскилэн алфавитэз; 1870-тӥ аръёсы). Революцилэсь азьвыл Казаньын дасямын но поттэмын вал уно удмурт книгаос.

Кузон агломерация[Тупатыны | бамлэсь кодзэ тупатоно]

1136,566 сюрс адями – 2010-тӥ арын 1-тӥ январьлы лыдпус (городъёс пӧлын улӥсьёслэн лыдызъя 6 интыын сылэ). Татарстанысь экономикая министерстволэн кичӧлтэмезъя 2009 арысен Кузон агломерация кылдытэмын. Город паськытаз – пыризы матысь 6 административной ёросъёс но кык город – Волжск но Звенигово. Огъя агломерациын улӥсь калыклэн лыдыз 1,56 млн. адями луиз.

Карысь аскивалтон[Тупатыны | бамлэсь кодзэ тупатоно]

Кузон муниципальной кылдэт 7 ёрослы люкемын: Авиастроительной, Вахитовской, Кировской, Московской, Ново-Савиновской, Приволжской, Советской.

Городэн кивалто – мэр, кар дума, быдэсъян комитет.

Экономика[Тупатыны | бамлэсь кодзэ тупатоно]

Кузон – Россиысь огез тужгес ик бадӟымез промышленной, финансовой, вузкарон но туристической центрез луэ. Приволжской федерал округын улон юртъёсты лэсьтонъя нырысетӥ интыын сылэ.

Кузонын Россиын валтӥсь 6 корпорацилэн штаб-квартираоссы интыяськемын.

Банк сектор азинскемын – 3 интыын сылэ (Муско но Санкт-Петербург бере).

Промышленность: машина поттон, химия но мувӧй.

Информационной технологиосъя – огез валтӥсь центр. Татын Европаын самой бадӟымез «Идея» нимо технопарк ужа.

Транспорт[Тупатыны | бамлэсь кодзэ тупатоно]

Кузонын трамвай, троллейбус, автобус транспорт ветлэ. Озьы ик вань метро.

Кар пыр ортче «Волга» федерал сюрес. Вань на Чугун сюрес, шур порт, аэропорт.

Дышетскон удыс[Тупатыны | бамлэсь кодзэ тупатоно]

Городын 282 нылпи сад, 178 школа.

Выли образованиез сётӥсь дышетскон интыослэн лыдзы 44 луэ. Кузонын гинэ (Россиысь вань городъёсты лыдэ басьтыса) огдыръя федеральной но национальной исследовательской университетъёс ужало.

Валтӥсь университетъёс:

Ужа Татарстан Республикаысь Наукосъя Академия.

Культура[Тупатыны | бамлэсь кодзэ тупатоно]

Карын В. И. Качалов, Галиаскар Камал, Муса Джалиль нимоесь театръёс ужало, кудъёсыз быдэс Россиылы но дуннелы тодмо луо. Исторической памятникъёс пӧлын — Кузон кремль, Кремлёвской, Баумана но мукет урамъёсысь вашкала юртъёс, Петропавловской собор но мукет.

Казаньын «Зарни Минбар» мусульман киностудизы ужа. Вань 34 кун музейзы. Кузонын гинэ Эрмитажлэн филиалэз ужа.

Чӧлсконъёс[Тупатыны | бамлэсь кодзэ тупатоно]

(ваньмыз сямен — ӟуч кылын)

  1. Рогожский летописец