Белицер, Вера Николаевна

Википедиысь материал
Вера Николаевна Белицер
Портрет
Вордӥськон нуналэз:

23-тӥ южтолэзе 1903({{padleft:1903|4|0}}-{{padleft:3|2|0}}-{{padleft:23|2|0}})

Вордӥськон интыез:

Рязань, Российской империя[d]

Кун:

Flag of Russia.svg Российской империя[d]
Flag of the Soviet Union.svg СССР

Кулон нуналэз:

2-тӥ оштолэзе 1983({{padleft:1983|4|0}}-{{padleft:4|2|0}}-{{padleft:2|2|0}}) (80 ар)

Кулон интыез:

Муско, Советской Социалистической Республикаослэн Союззы

Ве́ра Никола́евна Бе́лицер — ӟуч этнограф, Волга-Урал котырысь калыкъёслэсь материальной культуразэс (уката ик дӥськутсэс) эскерись.

Вордскиз Рязаньын 1903 аре 5 апреле (вуж стилья 23 мартэ). Дышетскиз Мускоысь кун университетысь общественной наукаосъя факультетлэн этнологи-кылтодон люкетаз. Дышетскемзэ йылпумъям бераз, Калыктодонъя музейын (берлогес — СССР-ысь калыкъёслэн музейзы) ужаз (1925-1941). Музейын ужан дыръяз ик Белицер трос пол вуылӥз Волга-Урал котырысь калыкъёс доры этнографической экспедициосы. 1943 арысен Белицер — СССР-ысь Наукаосъя академилэн этнографияя институтаз: нырысь аспирант, собере старшей научной ужась (1945-1968) но старшей научной консультант (1968-1978) луыса.

Аспирантураын дышетскем дыръяз Белицер дасяз но азинлыко утиз кандидат луон диссертацизэ («Народная одежда удмуртов. Материалы к этногенезу»). Нош доктор луон диссертациеныз (1959) луиз 1958 аре печатлам «Очерки по этнографии народов коми. XIX – начало XX в.» нимо монографиез. Комиослы (зырянъёслы, пермякъёслы, зюздякъёслы, язваослы, имжаослы) но удмуртъёслы сяна, Белицерлэн вань бесерманъёслы но сӥзем ужез («К вопросу о происхождении бесермян (по материалам одежды)»). Уно аръёс ӵоже Белицер кивалтӥз Мордва этнографической экспедициен.

Кулӥз Вера Белицер 4 апреле 1983 аре Мускоын.

Тужгес тодмо ужъёсыз[Тупатыны | вики-текстэз тупатыны]

  • К вопросу о происхождении бесермян (по материалам одежды) // Труды Института этнографии. М., 1947. Т.1 (новая серия)
  • Народная одежда удмуртов (Материалы к этногенезу). М., 1951
  • Очерки по этнографии народа Коми (XIX - нач. XX в.). М., 1958
  • Удмурты // Народы европейской части СССР. Серия Народы мира. М., 1964. Т.2
  • Народная одежда мордвы. М., 1973.

Чӧлсконъёс[Тупатыны | вики-текстэз тупатыны]