Бывальцев, Михаил Николаевич

Википедиысь материал
Перейти к навигации Перейти к поиску
Михаил Николаевич Бывальцев
Ужъёсыз:

композитор

Вордӥськон нуналэз:

15-тӥ толсуре 1908(1908-12-15)

Вордӥськон интыез:

Атасгурт, Глаз утем, Ватка губерния

Кулон нуналэз:

1941(1941)

Михаи́л Никола́евич Быва́льцев — удмурт композитор, крезьгуро фольклорез бичась.

Вордӥськиз туала Балезино ёросысь Атасгуртын (ӟуч сямен Петухово) 2 толсуре 1908 аре. Пинал дырысеныз ик Михаил туж яратӥз удмрут калык крезьгурез. Солэн атаез баянэн, бубенэн, пу пуньыосын усто шудэ вал, та устолыклы нылпиоссэ но дышетъяз.

1932 аре Бывальцев Ижысь театрально-художественной техникумлэн театр люкетаз дышетскыны пыре, 1935 аре — Мускоысь кун консерваторилэн дирёжерско-хоровой люкетаз. Консерваториын дышетскемзэ Бывальцев йылпумъяз 1941 аре июне, ӵапак Быдӟым отечественной ож кутскем азьын.

Удмурт крезьгуро фольклорез бичанын нырысетӥ вамышъёссэ Бывальцев лэсьтӥз театрально-художественной техникумын дышесткем дыръяз ик, тодмо ӟуч композитор Дмитрий Васильев-Буглай кивалтэм улсын ортчытэм фольклор экспедицын. Со дырысен Бывальцев удмурт калык кырӟанъёсты люкан бордын дугдылытэк ужа, Муское кошкыса ини но та ужез ӧз кушты: со пумиське ӵапак со дыре Мускоысь консерваториын дышетскем Григорий Титовен но солэсь кӧня ке кырӟанъёс гожтыса кельтэ.

Ваньзэ Михаил Бывальцев ог сю удмурт калык крезьгуръёс гожтыса кельтэм.

1936 аре гужем Михаил Бывальцев мыло-кыдо пыриське кырӟанъя но эктонъя удмурт ансамблез кылдытон уже: Аполлон Каторгинэн ӵош гуртъёсы пота, усто куараосын адямиосты хоре люканы юрттэ.

1941 аре, война кутскыку, Михаил Бывальцев калык ополчение пыре но Мускоез немец ожгарчиослэсь утёнын бырыны шеде.

Литература[Тупатыны | вики-текстэз тупатыны]

  • [Греховодова И.Н.] М.Н. Бывальцев // Путь к удмуртской опере. Ижевск, издательство «Удмуртия», 1969. 50-51 бб.