Вордскем кыл (журнал)

Википедиысь материал

«Вордскем кыл» журнал — дышетӥсьёслы чаклам наукая но методикая издание. Журналлэн учредителез - Удмурт Республикаысь Дышетонъя но наукая министерство.

1990-тӥ арын журналлэн нырысетӥ номерез потӥз, сое чаклазы "Кенеш" журналлы ватсэт шуыса. Солэн редакторез вал писатель А. Н. Уваров. 1993-тӥ арозь со кивалтӥз на РСФСР-ысь Калыкез дышетонъя министерстволэн национальной школаосъя научно-исследовательской институтэзлэн удмурт филиалэныз.

1991-тӥ арын 3-тӥ июньысен журнал нимаз издание луэ. Солы валтӥсь редакторе юнмато И. М. Байметовез. 1998-тӥ арозь журнал потэ кык толэзьлы огпол. Собере "Вордскем кыл" потыны кутске толэзьлы быдэ. Берло дыре журнал араз 10 номер потэ.

Туннэ журналлэн бамъёсаз печатласько ӟуч но удмурт кылын материалъёс. Соос басьто паськыт темаосты: национальной школаосты азинтон, нылпи садын удмурт кылэз дышетон, школаосын удмурт кылэз но литератураез дышетон выль амалъёс. Асьсэлэн ужан амалъёсынызы журналын тодмато дышетӥсьёс, нылпи садъёсын ужасьёс. Берло дыре "Дышетон" нацпроект пыӵамен валче, дышетӥсьёс нюръяськыны ӧдъязы 100 сюрс манет премия утон понна. Татын но соослы юрттэ "Вордскем кыл". Дышетӥсьёслэн журналын потэм материалъёссы вормыны вамыш луо.