Удмуртия

Википедиысь материал
Удмурт Республика» бамысь кудланьтэмын)
Удмуртия
Удмурт Элькун
ФлагГерб
Кылдон дырыз 11-тӥ шуркынмонэ 1991
Суредэз
Официал нимыз ӟуч Удмуртская Республика
Удмурт Элькун
Вакчияк нимыз Удмуртия
Официал кылыз ӟуч кыл и Удмурт кыл
Кункрезез Удмурт Элькунлэн Кункрезез
Часть света Европа
Кунэз Ошибка Lua в Модуль:Wikidata/Places на строке 531: attempt to call field 'getPropertyInBoundaries' (a nil value).
Шоркар Иж
Административно-территориальная единица Россия
Дырлэн зонаосыз SAMT
Находится в пределах природно-географического объекта Европейская часть России[d]
Геоданные Data:Russia/Udmurt Republic.map
Элькун кивалтэ Удмурт Элькунлэн Азьмуртэз и Удмурт Элькунлэн Тӧроез
Кунйырыз Бречалов, Александр Владимирович
Кивалтэтлэн Тӧроез Ярослав Владимирович Семёнов[d][1]
Исполнительная власть Удмурт Элькун Кивалтэт
Каткылдытӥсь ёзэтэз Удмурт Элькунлэн Кун Кенешез
Улӥсьёслэн лыдзы
Имеет границы с Киров улос, Пермь шаер, Башкирия, Татарстан, Пермская область[d], Частинский район[d] и Сивинский район[d]
Воштӥз Удмурт АССР
Язык общения Удмурт кыл и ӟуч кыл
Валтӥсез радъясь текстэз Удмурт Элькунлэн Кункатэз
Площадь
  • 42 100 квадратный километр
Карта местонахождения
География темы Удмуртиысь интыяськемын[d]
Экономика темы Удмуртиысь экономика
Официал сайт udmurt.ru(ӟуч)
Код автомобильного номера 18
Логотип Викисклада Медиафайлы на Викискладе

Удмуртия (Удмурт Республика, офиц. Удмурт Элькун, ӟуч Удмуртия, Удмуртская Республика) — Ӵукпал Европаын интыяськем кун (республика), Россия Федерациысь субъект[2]. Приволжск федерал округысь улосъёс пӧлы пыре.

Шаерлэн шоркарез Ижкар.

Интыяськемез[Тупатыны | бамлэсь кодзэ тупатоно]

Удмурт шаер интыяськемын Шор Ураллэн шунды пуксён палаз, Кам но Ватка шуръёс вискын. Ижкарысен Мускоозь — 1 129 иськем, Санкт-Петербургозь — 1 904 иськем, Екатеринбургозь — 800 иськем, Кузонозь — 395 иськем.

Удмурт Элькунлэн шунды пуксён но уйпал ласянь бускелез луэ — Киров улос, шунды ӝужан палан — Пермь шаер, лымшор палан — Башкирия но Татарстан кунъёс.

Удмурт шаер 42,1 сюрс квадрат иськем музъем вылын интыяськемын, со Россия Федерацилэн муэзлэсь 0,25%-сэ басьтэ.

Инкуазь[Тупатыны | бамлэсь кодзэ тупатоно]

Чупчи шур

Удмурт шаер интыяськемын Европейской ӵошаллэн шунды ӝужан палаз, Кам но Ватка (Камлэн бур ӧрыз) шуръёс вискын. Бадӟым зарезьёслэсь палэнын, соин ик омыр сокем чурыт ӧвӧл: толалтэ кезьыт но лымыё, гужем пӧсь но шундыё луэ. Тужгес но кезьытэз толэзь — толшор, (шоро-куспо температура 9,9 градусозь лэзьке Цельсийя) тужгес пӧсез толэзь — пӧсьтолэзь (шоро-куспо температура 20,9 градусозь ӝутске Цельсийя).

Музъем узырлыкъёс пӧлысь валтӥсьёсыз — нюлэс но мувӧй. Элькунамы 114 мувӧй кылдонни усьтэмын. Кыскем мувӧй пӧлысь 96%-эз шаермылэн палэназ кутӥське.

Удмуртилэн 46 % музъемез нюлэсъёсын шобыртэмын, со пӧлысь ӝыныез — лысо писпуос. Элькунмы озьы ик узыр гыбедэн, азотнометановой интыосын. Вылӥ дунъясько эмъясь дэри но лэсьтӥськон сюй (луо, горд сюй, бур).

Удмуртилэн историысьтыз[Тупатыны | бамлэсь кодзэ тупатоно]

Музъем ужъёсын вырыны вашкала удмуртъёс асьме эралэсь азьло VIII—V сюрсаре ик — мезолит вакытэ кутскиллям. Та сярысь иворто Удмурт шаерлэн музъем вылаз шедьтэм археологияя синпелетъёс[3]. Асьме вакытлэсь азьло VIII—III дауръёсы — корт дауре  кылдӥз ананьинской культура. X даурын удмуртъёс пыризы Булгар шаере, нош XIII даурысен лымшор удмуртъёс Зарни Ордалэн кивалтэт улаз шедизы, бӧрысьгес Кузон ханствое пыриськизы. Уйпал удмуртъёс выжыяськизы туала Глазкар котыре (отысь тужгес тодмо археологи синпелет — Иднакар).

XVIII даурозь вашкала удмуртъёс гурт удысэн выризы, чорыазы но пӧйшуразы. XIX даурлэн шораз Удмуртиын азинске корт поттон но ӵыжатон прмышленность .

Быдӟым Октябрь революция дырозь Удмурт шаерлэн музъемез Кузон но Ватка губерниос куспын люкемын вал. Нимаз шаерлы Удмуртия пӧрмиз Октябрь революция бере гинэ.

1920-тӥ аре 4-тӥ шуркынмонэ В. И. Ленин кӧня ке выль автономи улосъёс кылдытон сярысь РСФСР-ысь ВЦИК-лэсь но СНК-лэсь постановленизэс юнматӥз. Со постановлениын верамын вал: «кылдытоно… ужась калыкъёслэсь — калмыкъёслэсь, поръёслэсь но вотякъёслэсь — автономи улосъёссэс». Озьы кылдӥз Вотяк автономи улос.

1932-тӥ аре 1-тӥ толшоре СССР-ысь ВЦИК-лэн постановлениезъя улосмылэн нимыз воштэмын вал: «Вотяк автономи улослэн коренной калыкез… удмурт калык луэ бере, …Вотяк автономи улослы выль ним сётоно: Удмурт автономи улос».

1934-тӥ аре 28-тӥ толсуре СССР-ысь ВЦИК «Удмурт автономи улосэз Удмурт Автономи Кенешо Социализмо Республикалы пӧрмытэм сярысь» постановленизэ кутӥз.

20-тӥ куарусёнэ 1990-тӥ аре Удмуртиысь Вылӥ Кенеш кун суверенитет сярысь декларациез юнматӥз. Нош 25-тӥ шуркынмонэ 2003-тӥ арын со деклараци палэнтэмын вал.

11-тӥ коньывуонэ 1991-тӥ арын Удмуртиысь Вылӥ Кенеш шаермылэсь выль нимзэ юнматӥз — Удмурт Республика.

Улӥсьёс[Тупатыны | бамлэсь кодзэ тупатоно]

Удмуртстатлэн пусъемезъя 1-тӥ толшоре 2017-тӥ арын республикаын улӥсьёслэн лыдзы 1 516 731 адями вал. Улӥсьёслэн ӵемлыксы (плотностьсы) — 36,06 адями/км² (2017). Соос пӧлысь каръёсын улэ — 65,57 % (994 504 адями).

Улӥсьёслэн лыдзы
1926[4]1928[5]1939[6]1941[6]1942[6]1943[6]1944[6]1945[6]1947[6]1959[7]
756 264765 3001 186 9001 190 4001 167 0001 104 7001 054 1001 008 6001 079 1001 336 927
1970[8]1979[9]1980[10]1981[10]1982[10]1983[10]1984[10]1985[10]1986[10]1987[10]
1 417 6751 493 6701 500 7781 512 3901 524 9121 532 6211 542 2731 553 2711 563 4891 578 648
1988[10]1989[11]1990[10]1991[10]1992[10]1993[10]1994[10]1995[10]1996[10]1997[10]
1 592 8241 609 0031 611 4611 616 6841 622 1491 624 8411 620 1341 617 3861 612 6181 607 712
1998[10]1999[10]2000[10]2001[10]2002[12]2003[10]2004[10]2005[10]2006[10]2007[10]
1 603 9601 601 4091 595 5711 588 0541 570 3161 568 1761 561 0921 554 2921 545 8201 538 602
2008[10]2009[10]2010[13]2011[10]2012[14]2013[15]2014[16]2015[17]2016[18]2017[19]
1 532 9461 528 2361 521 4201 520 3901 518 0911 517 6921 517 0501 517 4721 517 1641 516 731

Калыкъёс[Тупатыны | бамлэсь кодзэ тупатоно]

Удмуртия - трос калыкъем кун. Шаерамы сюлэсь трос пӧртэм калык улэ. Соос пӧлысь ӵемгес пумисько — удмуртъёс, ӟучъёс, бигеръёс, поръёс, чувашъёс, бесермянъёс.

Удмурт Элькунысь калыклэн йӧскалык составезлэн воштӥськемез:

Калык 1926[20], % 1939[21], % 1959[22], % 1970[23], % 1979[24], % 1989[25], % 2002[26], % 2010[27], %
Удмуртъёс 52,3 39,4 35,9 34,2 32,1 30,9 29,3 28,0
Ӟучъёс 43,3 55,7 56,8 57,1 58,3 58,9 60,1 62,2
Бигеръёс 2,8 3,3 5,3 6,1 6,6 6,9 6,9 6,7

Улон интыос[Тупатыны | бамлэсь кодзэ тупатоно]

Удмурт шаере пыро: 6 город, 25 ёрос, 11 посёлок но 2119 гурт. Шоркарез — Ижкар, отын улӥсез 646,3 сюрс адями (2017-тӥ арлы) лыдъяське. Мукет каръёс: Вотка — 98,1 сюрс адями, Глаз — 93,6 сюрс адями, Можга — 49,6 сюрс адями, Сарапул — 97,9 сюрс адями, Камбарка — 10,5 сюрс адями.

Тунсыко интыос но туризм[Тупатыны | бамлэсь кодзэ тупатоно]

Удмуртиын кык сюрслэсь трос тунсыко учкымон интыос лыдъясько. Ваньмыз сямен соос герӟаськемын быдэс дуннеын тодмо луэм адямиосын но соослэн улэм но ужам интыосынызы. Кылсярысь: Петр Ильич Чайковский, Михаил Тимофеевич Калашников, Галина Алексеевна Кулакова, Надежда Андреевна Дурова но мукетъёс. Озьы ик Элькунамы 150 пала туристъёслы улымон интыос усьтэмын, 32 музей, кык сюрслэсь ятыр историен но культураен утем синпелетъёс. Вань йоскалык парк, заказникъёс, спортивной комплексъёс (соос пӧлысь кыкез горнолыжной луо) но ӵыдонтэм интыос, кытчы одно ик вуылыны кулэ. Берло аръёсы Удмуртиын азинске гурт туризм. 150 пала нимаз возёсъёс, гурт удысэз сяна, туризм ӧрез азьланьто[28].

Политика[Тупатыны | бамлэсь кодзэ тупатоно]

Ижысь Президент дворец

Удмуртиын кун власть быдэсъяське Удмурт Республикалэн Президентэныз, Правительствоен но Кун Кенешен.

Удмуртиен кивалтэ президент (2017-тӥ арысен — Александр Бречалов). Правительствоен кивалтэ премьер-министр (2017 арысен — Ярослав Семёнов), республикалэн парламентэныз (Кун Кенешен) — Владимир Невоструев.

Удмурт Элькун улонзэ радъя кунлэн валтӥсь законэз — Конституция — вылэ пыкъяськыса.

Территориослы люкиськон[Тупатыны | бамлэсь кодзэ тупатоно]

Ёросъёс[Тупатыны | бамлэсь кодзэ тупатоно]

Флаг Ёрос Центрез Площадез,
км²
Улӥсьёсыз,
адями
1 Алнаш ёрос Алнаш черкогурт 896 18 997
2 Балезино ёрос Балезино пос. 2 435 31 848
3 Вавож ёрос Вавож черкогурт 1 679 15 568
4 Вотка ёрос Вотка кар 1 864 24 326
5 Глаз ёрос Глаз кар 2 160 16 828
6 Грах ёрос Грах черкогурт 968 8446
7 Дэбес ёрос Дэбес черкогурт 1 033 12 112
8 Завьял / Дэри ёрос Дэри черкогурт 2 203 72 011
9 Камбарка ёрос Камбарка кар 763 17 164
10 Каракулино ёрос Каракулино черкогурт 1 193 11 152
11 Кез ёрос Кез пос. 2 321 20 771
12 Кизнер ёрос Кизнер пос. 2 131 19 175
13 Кияса ёрос Кияса черкогурт 821 9568
14 Красногорск ёрос Красногорск черкогурт 1 860 9187
15 Можга ёрос Можга кар 1 997 27 002
16 Пичи Пурга ёрос Пичи Пурга черкогурт 1 223 33 407
17 Сарапул ёрос Сигаево черкогурт 1 878 24 337
18 Сьӧлта ёрос Сьӧлта черкогурт 1 884 10 684
19 Сюмси ёрос Сюмси черкогурт 1 790 12 623
20 Ува ёрос Ува пос. 2 445 38 036
21 Шаркан ёрос Шаркан черкогурт 1 405 18 756
22 Эгра ёрос Эгра пос. 2 267 37 064
23 Юкаменск ёрос Юкаменск черкогурт 1 020 8880
24 Якшур-Бӧдья ёрос Якшур-Бӧдья черкогурт 1 780 21 501
25 Яр ёрос Яр пос. 1 524 13 794

Каръёс[Тупатыны | бамлэсь кодзэ тупатоно]

Удмуртилэн картаез
Герб Кар округ Улӥсьёсыз Площадез, км²
I Вотка 98 063 112,2
II Глаз 93 628 68,3
III Иж 646 277 315,6
IV Можга 49 617 30,6
V Сарапул 97 910 86

Экономика[Тупатыны | бамлэсь кодзэ тупатоно]

Удмуртилэн ӟеч интые интыяськемез корт поттонэз азинтыны но Россиысь валтӥсь улосъёс пӧлы пырыны луонлык кылдытӥз. Валтӥсь предприятиос: «Ижмаш», «Ижысь механикая завод», «Ижысь электромеханикая завод», «Радиозавод», «Ижсталь».

Удмурт шаерын улӥз но ужаз быдэс дуннелы тодмо луэм конструктор М. Т. Калашников. Али вакытэ солы сӥзем музей усьтэмын.

Транспорт[Тупатыны | бамлэсь кодзэ тупатоно]

Ижкарлэн аэропортэз

Элькунлэнлэн музъем вылтӥз ортчо 4 бадӟым автомобиль сюресъёс: Р242, Р320, Р321 но Р322. Озьы ик Удмурти пыр E22 Европаысь маршрут но М7-Волга федерал трасса ортчо.

Шаерамы вань аэропорт. Соин кивалтэ кун авиакомпания — ОАО «Ижавиа».

Озьы ик Удмуртиын туж умой азинтэмын чугун сюрес удыс. С асьме кунмес мукет улосъёсын но каръёсын герӟа. Поезд мынон-ветлон сюресъёс пӧртэм вайёсъя ужало: «Кузон — Огырчи — Екатеринбург», «Киров — Балезино — Пермь», «Балезино — Ижкар — Алнаш», «Ижкар— Вотка», «Люкшудья — Кильмезь».

Чугун сюрес вокзалъёс
Глаз карысь вокзал. Можгаысь вокзал. Балезиноысь вокзал. Сарапулысь вокзал.

Со сяна, учке[Тупатыны | бамлэсь кодзэ тупатоно]

Валэктонъёс[Тупатыны | бамлэсь кодзэ тупатоно]

  1. https://www.izh.kp.ru/online/news/2880016/
  2. Географическое положение
  3. История Удмуртии
  4. Всесоюзная перепись населения 1926 года. М.: Издание ЦСУ Союза ССР, 1928. Том 9. Таблица I. Населённые места. Наличное городское и сельское население Эскеремын 2015-02-07 аре
  5. Статистический справочник СССР за 1928 г.
  6. 6,0 6,1 6,2 6,3 6,4 6,5 6,6 С. Н. Уваров. Сельское население Удмуртии в годы Великой Отечественной войны: историко-демографический анализ. Вестник Удмуртского университета, выпуск № 5-1 / 2014 Эскеремын 2015-01-02 аре
  7. Всесоюзная перепись населения 1959 года Эскеремын 2013-10-10 аре
  8. Всесоюзная перепись населения 1970 года. Численность наличного населения городов, поселков городского типа, районов и районных центров СССР по данным переписи на 15 января 1970 года по республикам, краям и областям Эскеремын 2013-10-14 аре
  9. Всесоюзная перепись населения 1979 г.
  10. 10,00 10,01 10,02 10,03 10,04 10,05 10,06 10,07 10,08 10,09 10,10 10,11 10,12 10,13 10,14 10,15 10,16 10,17 10,18 10,19 10,20 10,21 10,22 10,23 10,24 10,25 10,26 10,27 10,28 Численность населения УР на начало 1980-2014
  11. Всесоюзная перепись населения 1989 года
  12. Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более
  13. Итоги Всероссийская перепись населения 2010 года. 5. Численность населения России, федеральных округов, субъектов Российской Федерации, районов, городских населённых пунктов, сельских населённых пунктов – районных центров и сельских населённых пунктов с населением 3 тысячи человек и более Эскеремын 2013-11-14 аре
  14. Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года Эскеремын 2014-05-31 аре
  15. Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов) Эскеремын 2013-11-16 аре
  16. Оценка численности постоянного населения на 1 января 2014 года Эскеремын 2014-04-13 аре
  17. Численность населения Российской Федерации по муниципальным образованиям на 1 января 2015 года Эскеремын 2015-08-06 аре
  18. Оценка численности постоянного населения на 1 января 2016 года и в среднем за 2015 год Эскеремын 2016-03-27 аре
  19. Предварительная оценка численности постоянного населения на 1 января 2017 года и в среднем за 2016 год
  20. Всесоюзная перепись населения 1926 года
  21. Всесоюзная перепись населения 1939 года
  22. Всесоюзная перепись населения 1959 года
  23. Всесоюзная перепись населения 1970 года
  24. Всесоюзная перепись населения 1979 года
  25. Всесоюзная перепись населения 1989 года
  26. Всероссийская перепись населения 2002 года
  27. Информационные материалы об окончательных итогах Всероссийской переписи населения 2010 года
  28. Республика Удмуртия

Чӧлсконъёс[Тупатыны | бамлэсь кодзэ тупатоно]

Линкъёс[Тупатыны | бамлэсь кодзэ тупатоно]

Россиысь республикаос
Адыгея | Алтай | Башкирия | Бурятия | Дагестан | Ингушетия
Карелия | Коми | Кабардино-Балкария | Калмыкия | Карачаево-Черкесия
Крым | Марий Эл | Мордовия | Татарстан | Тува | Удмуртия
Уйпал Осетия | Хакасия | Чувашия | Чечня | Якутия