Гаврилов, Игнатий Гаврилович
| Игнатий Гаврилович Гаврилов | |
 | |
| Ужан удысэз: | |
|---|---|
| Вордӥськем нуналыз: | |
| Вордӥськем интыез: |
Бадӟым Сибы, Алабго утем, Ватка губерния, Российской империя[d] |
| Кун: | |
| Кулон нуналыз: |
4-тӥ толсуре 1973 (61 ар) |
| Кулон интыез: |
Иж, Удмурт Автономной Советской Социалистической Республика, РСФСР, СССР |
Игнатий Гаврилович Гаврилов — удмурт совето кылбурчи, прозаик, драматург. Удмурт артист Василий Гавриловлэн агаез. Вордӥськиз 30-тӥ мартэ 1912-тӥ арын Можга ёросысь Бадӟым Сибы гуртын. 1924-тӥ арын пыриз Можга педтехникуме, но сое йылпумъяса ӧз вутты-выжиз Ижысь театр курсъёсы. Бӧрысь кошкиз Москвае — театр искусствоосъя институтэ. Со вакытэ ик ужаз Удмурт драмтеатрын, вуттӥськиз Удмуртиысь Писательёслэн союзазы но пыриськыны, правлениезлэн председателез вал.
Удмурт драматургиез гижысь-пиньысь азинтэмез понна УАССР-ысь но РСФСР-ысь искусство удысысь дано ужась ним сётэмын. 1968-тӥ арын Игнатий Гаврилов но Удмурт театрысь артистъёс Жингрес сӥзьыл пьеса понна УАССР-ысь кун премилэн лауреатъёсыз луизы. Писатель данъямын уно гинэ медальёсын но орденъёсын. 1934-тӥ арысен СССР-ысь Писательёслэн союззылэн членэз луэ.
1927-тӥ арын Гудыри газетын потӥз Гавриловлэн нырысетӥ кылбурез «Ой, мемие». Солэн произведениосаз лирической герой котьку кыстӥськылӥз выль шӧмо улонэ, шуг-секытъёс солы нокыӵе ик ӧз потылэ кадь. Шӧдӥське, писатель туж яратылӥз калык гуръёсты. Оло, соин но тросэз кылбуръёсыз азьланяз кырӟанъёслы пӧрмизы: Мон витё тонэ гинэ, Уй пеймыт вал соку, Гумы, Гожтэт но мукет. Но та пиосмурт удмурт калыклэн тодаз кылиз драматург луэменыз. Солэн Вало ӧр куашетэ пьесаеныз нырысьсэ ӧсъёссэ усьтӥз Удмурт драмтеатр. Ваньзэ-ӧвӧлзэ со гожтӥз куамын пьеса. Котькудӥз сӥземын удмурт калыклэн улэм-вылэмезлы, солэн сямъёсызлы: Кезьыт ошмес, Аннок, Камит Усманов, Лымы тӧдьы, Груня Тарасова но мукет.
Игнатий Гавриловлэн творчествояз тужгес но бадӟым инты басьтэ трилогиез Вордӥськем палъёсын. Та произведенияз автор паськыт усьтэ дышетӥсьлэсь, артистлэсь, журналистлэсь удысъёссэс.
Писатель выриз кылысь кылэ берыктонэн но. Кылсярысь, ӟучысь удмуртэ берыктӥз А. Пушкинлэсь Медной всадник, Руслан но Людмила, Борис Годунов, Н. Гогольлэсь Ревизор произведениоссэс но мукет.
Быдӟым оже пыриськыкуз киын гожъям материалъёссэ тодосчи А. Ермолаев быдэс книгаен поттыны быгатӥз. Нимаське со Пероен но штыкен (1981).