Голдина, Римма Дмитриевна
| Римма Дмитриевна Голдина | |
| Ужан удысэз: | |
|---|---|
| Вордӥськем нуналыз: |
10-тӥ шуркынмонэ 1941 (83 ар) |
| Вордӥськем интыез: | |
| Кун: | |
Римма Дмитриевна Голдина — история наукаосъя доктор, Удмурт кун университетысь историяя факультетысь археологияя но первобытной историяя кафедраен кивалтӥсь, Урал котырын улӥсь калыкъёслэсь историзэс но культуразэ эскеронъя институтлэн директорез.
Вордскемын 1941-тӥ арын 10-тӥ ноябре Пермь улосысь Бадӟым Соснова черкогуртын.
1958-тӥ-1962-тӥ аръёсы дышетскиз Пермьысь кун университетын.
1962-тӥ-1963-тӥ аръёсы тодон-валан люказ Уралысь кун университетын. 1971-тӥ арын СССР-ысь Наукаосъя академилэн Археологияя институтлэн Ленинградысь люкетаз (ЛОИА-ын) утиз наукая кандидат диссертацизэ, 1991-тӥ арын МГУ-ын — доктор диссертацизэ.
1973-тӥ арысен Кам-Ватка археологияя экспедицилэн кивалтӥсез луэ. Та Уралысь тужгес бадӟымез экспедиция. Солэн ужамез дыре усьтэмын 1000-лэсь ятыр археология памятникъёс, пӧртэм дауръёсысь 300 пала могильникъёс, люкамын удмурт, пор, коми-пермяк но коми калыклэн историезъя тунсыко матермиал.
Римма Голдина Удмуртиысь археологияя научной школалэн кылдытӥсез луэ.
1991-тӥ арын пусъемын Удмурт Республикаысь наука удысысь дано ужась нимын, 1996-тӥ арын — Россиысь вылӥ образование сётон удысысь дано ужась луиз.
Иж кар думалэн премиезлэн лауреатэз. 2001-тӥ арын пусъемын Удмурт Республикалэн кун премиеныз.
Удмурт Республикалэн президентэз бордын наука но техника удысын премиос сётъянъя комиссилэн муртэз луэ.
Удмурт кун университетысь этнология, археология, история удысын доктор диссертациосты утёнъя кенешлэн тӧроез. Со кивалтэм улсын Ижысь, Пермьысь, Сыктывкарысь, Йошкар-Олаысь, Самараысь, Саранскысь, Пензаысь, Екатеринбургысь, Нижний Тагилысь, Кировысь, Казаньысь егит учёнойёс утизы 153 диссертация.
Римма Голдина — наукая ог 200 ужлэн авторез.