Заводской станция

Заводской станция Балезино пал Кильмезь пал
Горький чугун сюрес
Чугун сюреслэн люкетэз:	Иж отделение
Усьтон дырыз:	1944 ар
Платформаослэн лыдзы:	2
Сюресъёслэн лыдзы:	3
Потымон интыос:	Тверь урам, Шабердӥ тракт, Вараксино урам
Интыяськон:	Ижкарысь Ленин ёрос
Пуксьымон транспорт:	А 8, 8к, 21, 34 Мт 353, 363
Пуктэм километраж:	136,2
Ижевск дорозь кусып:	9,1 км
Балезино дорозь кусып:	159 км
Ува дорозь кусып:	70 км
Станцилэн кодэз:	255927
АСУЖТ код:	255927
«Экспресс-3» код:	2060521
Заводской станция WikiCommons-ын

Поезд Иж-Чур вуэ Заводской станцие

Заводской (ӟуч Заводская) — Горький чугун сюреслэн Иж регионысьтыз чугун сюрес станция. Интыяськемын Иж карысь Ленин административной ёросысь Эмезь гурезь улон ёросын, Иж тыметлэн бурпал ярдурезлы матын.

Станция сярысь

Заводской луэ Ижысен Балезиноозь чугун сюреслэн нырысетӥ дугдылон интыез. Станция ужаны кутскиз 1944-тӥ арын.

Станцилэн уйпал люкетаз сюресъёсыз ортчо Иж тыметэ усись Малиновка шур вамен выж вылтӥ. Собере уйпаллань Люкшудья пала чугун сюрес тымет дуртӥ ортче вулэсь сю метрын гинэ. Станцилэн лымшорпал пумызлэсь кӧня ке промышленной служебной сюресъёс улвайясько, со лыдын, ячеистой бетон поттонъя заводэ пырон сюрес.

Азьло дыръя та станциын вить сюрес вал. Табере (2018-тӥ арын) куинь гинэ ужась сюресъёс кылизы.

Станцилэн кык платформаез вань: урдсысез но шормуӵ тусъемез. Урдсысь платформа кузь луэ но 1-тӥ сюресэн ужа. Шормуӵ тусъем платформа вакчи, со 2-тӥ но 3-тӥ сюресъёс вискын кылле.

Станция пыр мынылӥсь поездъёс

Станциын вань пригород поездъёс дугдыло. Кыдёке мынӥсь поездъёс станция пыртӥ дугдытэк ортчыло. 2017-тӥ арын пригород поездъёс мынӥзы-ветлӥзы таосызозь станциосозь:

• Уйпала: Ува I, Чур, Балезино;
• Лымшор пала: Ижевск.

Матысез транспорт

Станцилэсь 600 метрлы палэнын, Шабердӥ тракт вылын, «Эмезь гурезь» дугдылонни интыяськемын. Отын 8-тӥ, 21-тӥ, 34-тӥ но 353-тӥ номеро автобусъёсы пуксьыны луоз.

Озьы ик учке

• Ижысь чугун сюрес станциос но платформаос

Чӧлсконъёс

• Пригород поездъёслэн расписанизы (ӟуч)