Балезино

Посёлок Балезино Балезиноысь вокзал 57.978056, 53.00557°58′41″ у. ш. 53°00′18″ ӵ. д.57.978056° у. ш. 53.005° ӵ. д.    Шаер Россия Улос Удмуртия Ёрос Балезино ёрос Йыр Николай Иванович Власов Кылдытон дыр 1897 Шорлэн ӝуждалаез 170 м Улӥсьёс (2010) 16 121 адями Йӧскалык состав удмуртъёс, ӟучъёс, бигеръёс Часовой пояс UTC+4 Телефон код +7 34166 Почта индексъёс 427550-427552 Автомобиль код 18 Официальной сайт balezino.udmurt.ru

Балезино

Балезино ВикиCommons-ын

Балезино — Удмуртиын кар типъем посёлок, Балезино ёрослэн административной центрез. Интыяськемын Удмуртилэн уйпалаз — Чупчи шурлэн паллян ярдураз. Балезиноысен Ижозь — 150 километр, Глазозь — 30 километр. Сое сурано ӧвӧл та ёросысь ик Балезино черкогуртэн.

Историез

Нырысьсэ Балезино сярысь кылпум потӥз 1586-тӥ арын ӟуч переписной книгаын.

1746-тӥ арын Балезиноын Петропавловской черк пуктӥзы.

1796-тӥ арысен Балезино пыриз Вятской губернилэн Глазовской уездаз.

1897-тӥ арын та интыостӥ Транссибирской чугун сюрес валён кутскиз. Озьы черкогурт кылдӥз.

1901-тӥ арын Балезино пыр ӝутыны ӧдъязы Ватка-Пермь чугун сюресэз. Талы луыса черкогурт бадӟымаз-паськытаз.

1929-тӥ арын черкогурт Балезино ёрослэн шорсюлмыз луиз.

26-тӥ октябре 1938-тӥ арын Балезино городлы укшась посёлоклы пӧрмиз.

Ним кылдон

Черкогуртлы Балезино ним сётэм пумысен кык мадёс вань.

Нырысетӥез: 1586-тӥ арын эксэй Фёдор Иоаннович вынъёслы Даниил но Елизар Балезинъёслы ӟеч ужамзы понна Чупчи шур дурысь музъем кузьмам.

Кыкетӥез: «Балезино» кыл потэмын ыж но син кылъёс бордысь. Ыжлэн синъёсыз — озьы шуылӥзы татын улӥсьёс ошмес синэз.

Улӥсьёс

Улӥсез 16 сюрс котыр. Пӧлазы вань пӧртэм выжыысь калыкъёс: удмуртъёс — 52,6%, ӟучъёс — 28,2%, бигеръёс — 13,1%, музон калыкъёс — 6,1%.

Экономика но социальной удыс

Промышленность удыс татын рос-прос азинскиз. Туннэ тыро-пыдо ужало: механикая завод, техникаез тупатонъя предприятие, лэсьтӥськон удыслы чаклам материалъёс дасянъя завод, типография, етӥн сэстонъя завод, вӧй шукконъя завод, нянь пыжонъя но колбаса пӧранъя комбинат, куинь банк.

Балезиноын вань 5 школазы, 48 номеро ПТУ-зы, кинотеатрзы, нылпи юртсы, библиотеказы, шаертодонъя музейзы. Черкогуртын йӧн-йӧн сыло историысь 5 памятникъёс.

Транспорт

Балезино станция - Удмуртиысь бадӟым чугун сюрес герд.