Иворъёс:2007-11-05

Википедиысь материал
Перейти к навигации Перейти к поиску
05.11.2007

Витетӥ канал берытске

Россиысь президент Владимир Путинлэн указэзъя, «Петербург» телерадиокомпанилы сётэмын федераци каналлэн статусэз. Озьыен, асьме доры нош ик берытске кемаласен ини вунэм «витетӥ канал». Телерадиокомпания берло аръёсы туж бадӟым саклык висъялляз Россиысь регионъёсын ужан перспективаосызлы. Тросаз улосъёсын вань ини Санкт-Петербургысь каналлэн корреспондент пунктъёсыз, солэн передачаосыз пото региональной эфире бадӟымъёсаз но пичиосаз городъёсын. Выль статус солы юрттоз аслэсьтыз сетьсэ эшшо но паськытгес вӧлмытыны.

«Витетӥ каналэз» телеучкись тодэ Бэлла Куркова, Светлана Сорокина, Кирилл Набутов но мукет тележурналистъёслэн нимъёссыя. Александр Невзоровлэн выль иворъёсын «600 секунд» программаез жанрлэн классикаяз пыремын, шуыны луоз, дыр. Али та каналын — чылкак выль адямиос, выль программаос. Аппарат базаез но юнмаз: ТРК-лы бастэмын паймымон выль но кужмо техника, та ласянь со куд-ог федераци каналъёсты но азьпалтэ. Нош макем азинлыко быгатоз со пырыны федераци но улос каналъёслэн конкурент нюръяськоназы, вераны шуг, но солэн интыез берпуметӥ уз луы шуыса оскон вань.