Иворъёс:2007-12-11

Википедиысь материал
11.12.2007

Шунытлы дунъёс йылозы

Россиын экономика ласянь политика туж азинлыко луэ: дунъёс ялан будо но будо. Ми ваньмы адӟиськомы, мар луиз сиён-юонлы дунъёсын. Озьы-а луоз луоз шунытэн но элетрокужымен?

11 декабре ортчем пресс-конференциын Удмурт Республикаысь электрокужымъя-шунытъя улосвыл комиссилэн кивалтӥсез Олег Белобоков ивортӥз: электрокужым понна 2008-тӥ аре городын улӥсьёс 14 %-лы тросгес коньдон тырозы (1, 6 манет/кВт·ч), мукет интыосын улӥсьёс — 10 %-лы тросгес. Шуныт басьтэм понна дунъёс будозы 17 процентлы, музъем эгырлы но пулы — 19 %-лы, нош баллонэн газлы — 11 %-лы, баллонэз доре вуттонлэн дуныз будоз 22 процентлы.

Удмуртиын улӥсьёс кезьыт но пӧсь вулы, шунытлы но мукет кулэяськонъёслы вуоно арын тужгес троссэ тырозы 19 %-лы, улон инты понна — 15 %-лы ятыргес.