Иворъёс:2007-12-12

Википедиысь материал
12.12.2007

Сьӧсь — шудон ӧвӧл

Сьӧсьёс адямилы бадӟым изъян вайыны быгато. Соин ик соосын чакласькыса, талы юри гожтэм правилоосты тӥятэк выроно. но куддыръя адямиос со сярысь вунэто. Тани кык учыръёс пумысен ивортэ «Удмурт дунне» газет.

Воткаысь пиосмурт туэ май толэзе Эгра ёросысь кионпиез басьтэм, сое пуны интые возиз. Сьӧсь изьвер юртъераз ворсамтэ ымын ветлӥз, оло нош, думемын но ӧй вал. Огпол кионпи визьтэм кузёлэсь быдэ вуымтэ пизэ куртчем. Кышкам кузё милицаос доры бызем но ӝожтӥськем. Та уж судозь вуиз. Воткаысь суд пиосмуртлэсь кионпизэ таланы косӥз. Кионпи кузё таин соглаш луымтэ, Вылӥ судэ вазиськылӥз ке но, судлэн йылпумъянэз воштэтык ик кельтэмын вал.

Мукетыз учыр луиз Красногорск ёросын.Туэ гужем Россельнадзорысь ӧнерчи та ёросысь ик Тараканово гурт вӧзын гондыр лысьӧмзэ синйылтӥз. Эскерыса тодӥзы: гондырез вием Красногорскысь одӥг мурт, нокыӵе лицензитэк-мартэк. Уж озьы ик судозь вуиз. Судын браконьер ассэ чылкытатыны тыршиз: гондырез, пе, ассэ гинэ утён вылысь ыби. Суд солы оскымтэ, 17 сюрс 550 манетэн штраф тырытӥз.

Мораль: сьӧсь – со сьӧсь ик луэ. Нош сьӧсь, адямилы кышкытлык вае ке но, асьме кунын законъёсын утемын, сое ыбыны-виыны радзыя басьтэм лицензиос вань дыръя гинэ лэземын.