Корепанов-Камский, Геннадий Михайлович
| Геннадий Михайлович Корепанов-Камский | |
| Ужан удысэз: | |
|---|---|
| Вордӥськем нуналыз: | |
| Вордӥськем интыез: |
Ягвуково[d], Дэбес ёрос, Горьковский край[d], РСФСР, Удмурт автономной область, Советской Социалистической Республикаослэн Союззы |
| Кулон нуналыз: |
4-тӥ куартолэзе 2001 (71 ар) |
| Кулон интыез: | |
Геннадий Михайлович Корепанов-Камский — тодмо удмурт композитор, кырӟась (тенор), дышетӥсь но калык уже пыриськись.
Вордӥськиз 1929-тӥ арын 18-тӥ августэ Дэбес ёросысь Ягвуко гуртын. Йылпумъяз Мускоысь П. И. Чайковский нимо консерваториез, кырӟанъя Г. И. Тицлэсь классэ быдтӥз. Со бӧрсьы дышетсконзэ азьлантӥз Кузонысь консерваториын (быгатонлыксэ волятӥз А. С. Леманлэн но Н. Г. Жигановлэн компзициоссыя), йылпумъяз сое 1970-тӥ арын. 1957-тӥ арысен 1965-тӥ арозь крезьгуръя Удмурт театрын валтӥсь актёр луыса тырше. Нош 1965-тӥ — 1967-тӥ аръёсы кырӟа Удмурт телевиденилэн но радиолэн хораз. 1970-тӥ арысен 1985-тӥ арозь Ижысь крезьгуръя училищеысь студентъёсты дышетэ, 1971-тӥ арысен 1976-тӥ арозь кивалтэ Ижысь крезьгуръя училищеен.
1973-тӥ арысен 1988-тӥ арозь — УАССР-ысь композиторъёслэн огазеяськонзылэн правлениезлэн тӧроез. 1985-тӥ арысен 1988-тӥ арозь — УАССР-ысь Крезьгуръя театрлэн кивалтӥсез.
Творчествоез но вормонъёсыз
[Тупатыны | бамлэсь кодзэ тупатоно]Г. М. Корепанов-Камский кылдытӥз нырысетӥ оперетта но балет, нимаськизы соос «Любушка» но «Италмас». Со сяна, Г. М. Корепанов-Камский гожтӥз уно пӧртэм операос, камерной сочинениос, нылпиослы чаклам гуръёс. Та композиторлэн ужъёсаз пыӵамын удмурт фольклор, соос туж жингрес кылӥсько. Солэсь нимзэ нуллэ Дэбес ёросысь Искусствоосъя школа. Г. Корепанов-Камский пыриськиз политикае но. УАССР-ысь Вылӥ Кенешлэн куатетӥ но дасэтӥ ӧтчамаз Геннадий Михайловичез депутатэ бырйизы. 1971-тӥ, озьы ик 1970-тӥ аръёсы со пусъемын УАССР-лэн кун премиосыныз, Горд знамя орденэн, Дружба народов (1986-тӥ ар) но «Дружба» (1996-тӥ). Корепанов-Камскийлэсь нимыз 1980-тӥ арын пыртэмын УАССР-лэн Данъян Книгаяз. 1998-тӥ арын пусъемын «Удмурт Республикалэн дано муртэз» нимын.
Ужъёсыз
[Тупатыны | бамлэсь кодзэ тупатоно]- операос
- «Россиянка» (1967-тӥ ар)
- «Заговор» (1987-тӥ ар)
- «Чипчирган» (1963-тӥ ар)операос;
- «Азин» (1978-тӥ ар) — крезьгуро драма
- «Когда поют соловьи» (1962-тӥ ар) — крезьгуро комедия
- симфония оркестрлы чаклам гуръёс но мукет
- «Поэма о матери» (1955-тӥ ар)
- «Вуж Мултан» (1976-тӥ ар)