Короленко, Владимир Галактионович

Википедиысь материал
Владимир Галактионович Короленко
Vladimir Korolenko bw.jpg
Ужъёсыз:

писатель[d][1], автобиограф[d], литературный критик[d] но журналист[d]

Вордӥськон нуналэз:

27-тӥ пӧсьтолэзе 1853({{padleft:1853|4|0}}-{{padleft:7|2|0}}-{{padleft:27|2|0}})[1][2][3]

Вордӥськон интыез:

Житомир, Российской империя[d][1][2]

Кун:

Flag of Russia.svg Российской империя[d]

Кулон нуналэз:

25-тӥ толсуре 1921({{padleft:1921|4|0}}-{{padleft:12|2|0}}-{{padleft:25|2|0}})[1][2][4][3] (68 ар)

Кулон интыез:

Полтава[d], Украин ССР[1][2]

Автографез:

Vladimir Korolenko Signature.png

Владимир Галактионович Короленко Викискладын
Короленко Владимир Галактионович

Владимир Галактионович Короленко — ӟуч писатель, публицист, журналист, калыкез югдытӥсь. Вордӥськемын 15-тӥ (27-тӥ) июле 1853-тӥ арын, Украинаысь Житомир городын. Эксэй кивалтон аръёсы но, Россиын Граждан ож мыныку но, В. Г. Короленко висъяськиз адямилыко луэменыз, калыклэсь правооссэ утьыны тыршеменыз. Эксэй радлык пумысен лек мылкыдыз понна репрессиос улэ сюрылэмын.

Писательлэн улэм-вылэмез[Тупатыны | вики-текстэз тупатыны]

Корленко вордӥськиз Житомирын, уездысь судьялэн семьяяз. Атаез казак выжыысь вылэм. Галактион Афанасьевич висъяськиз чурыт сяменыз, пиезлэн улон шоры учконаз со бадӟым инты басьтӥз. Бӧрысьгес атаезлэсь образзэ В. Г. Короленко возьматӥз «В дурном обществе» повестяз.

Володя Короленко дышетскиз Житомирысь гимназиын, атаез улонысь кошкем бӧрсьы, дышетсконзэ азьланьтӥз Ровенской гимназиын. 1871-тӥ арын дышетскыны пыриз Санкт-Петербургысь технологияя институтэ. Но ёрмыса улэменыз 1874-тӥ арын выжоно луэ Москваысь музъем ужъёсъя Петровской академие. Пинал дырысеныз ик Короленко итӥськиз калык движение борды. Студентъёслэн лушкем огазеяськонъёсазы пыриськемез понна В. Короленкоез 1876-тӥ арын академиысь уллязы, со келямын вал Кронштадт каре, сое чаклаз полиция. Отын со уксё поттоно луиз - типографиын корректор луыса тыршиз, пиналъёслы урокъёс сётъяз. Срокез йылпумъяськем бере Короленко Петербурге берытскиз. 1877-тӥ арын дышетскыны пыриз Питерысь Горной институтэ. Ӵапак та вакытэ ик кутске солэн литературае кыстӥськонэз. 1879-тӥ арын Питерын потӥсь «Слово» журналын потӥз вуоно писательлэн нырысетӥ ужез - «Из жизни искателя» новеллаез. Но мукет араз ик - 1879-тӥ арын - Короленко нош ик уллямын институтысь, революция тулкыме пыриськемез понна. Келямын Ватка губерниысь Глазкаре. Бӧрысь - 1895-1896-тӥ аръёсы - Короленко утиз удмуртъёсты. Соос янгыше уськытэмын вал, адями виыса, Инмаръёслы курбон сётэменызы. В. Короленко вань кужымзэ сётӥз соосты судын утёнлы. Озьы удмурт калык утемын вал янгыше уськытонлэсь.

1881-тӥ арын В. Короленко ыстэмын вал Сибире, Якутия котыре. Куать ар ссылкаын улэмез писательлэсь улон шоры учконзэ юнматӥз, вуоно произведениосызлы инъет кылдытӥз.

1885-тӥ арын В. Короленко Нижний Новгородэ улыны интыяське. 1885-тӥ - 1895-тӥ аръёсы - В. Короленколэн самой яркыт вакытэз, соку со кылдытӥз уно произведениоссэ. Ӵапак со вакытэ со сярысь ивор калык пӧлы вӧлме.

1886-тӥ арын потэ солэн нырысетӥ книгаез - «Очерки и рассказы». Со аре ик гожтэ «Слепой музыкант» новеллазэ. Соос пыр автор тодаз вае Украинаын ортчытэм пичи дырзэ, озьы ик ссылкаосын ортчытэм аръёссэ. Шудэз шӧдыны луэ астэ ачид яратон мылкыддэ вормыса гинэ, шуэ писатель. 90-тӥ аръёсы В. Короленко дуннеез котыръя. Вуылэ Россилэн пӧртэм сэрегъёсаз, Америкае. 1895-тӥ арын потэ «Без языка» повестез. Ужъёссэ берыкто пӧртэм кылъёсы, соос пото кунгож сьӧрын. 1895-тӥ -1900-тӥ аръёсы писатель Питерын улэ, "Русское богатство" журналлэн редакторез луэ. Бӧрысь улыны выже Украинае - Полтавае. Мӧйымыса В. Короленко басьтӥське «История моего современника» романзэ гожтон борды. 4-тӥ томзэ йылпумъятэк, тыэз висьыса, улонысь кошке. В. Г. Короленко Петербургысь наукаосъя академилэн ёзчиез вал, но 1902-тӥ арын солэн радысьтыз потӥз Максим Горькийлы дур басьтыса, угось М. Горькиез академиысь улляны туртто вал. В. Г. Короленко сярысь эшъёсыз шуылӥзы: Со - Россилэн сюлмыз (совесть).

Кузпалыз - Евдокия Семёновна Ивановская, будэтӥзы Наталья но Софья нылъёссэс.

Куд-ог ужъёсыз:

Чудная - 1880-тӥ арын

Яшка - 1880-тӥ арын

Убивец - 1882-тӥ арын

Сон Макара - 1883-тӥ арын

Лес шумит. Полесская легенда - 1886-тӥ арын.

  1. 1,0 1,1 1,2 1,3 1,4 Бялый Г. А. Короленко // Краткая литературная энциклопедия Муско: Советская энциклопедия, 1962. — Т. 3.
  2. 2,0 2,1 2,2 2,3 Миронов Г. М. Короленко Владимир Галактионович // Большая советская энциклопедия: [в 30 т.] — 3-е изд. — М.: Советская энциклопедия, 1973. — Т. 13 : Конда — Кун. — С. 199.
  3. 3,0 3,1 (unspecified title)
  4. Encyclopædia Britannica