Красильников, Геннадий Дмитриевич
| Геннадий Дмитриевич Красильников | |
| Ужан удысэз: | |
|---|---|
| Вордӥськем нуналыз: | |
| Вордӥськем интыез: |
Алнаш, Алнаш ёрос, Удмурт Автономной Советской Социалистической Республика, СССР |
| Кун: | |
| Кулон нуналыз: |
11-тӥ оштолэзе 1975 (46 ар) или 11-тӥ куартолэзе 1975 (46 ар) |
| Кулон интыез: |
Иж, Удмурт Автономной Советской Социалистической Республика, РСФСР, СССР |
| Геннадий Дмитриевич Красильников Викискладын | |
Геннадий Дмитриевич Красильников — тодмо удмурт прозаик, УАССР-лэн кун премиезлэн лауреатэз. Солэн нимыз но ужъёсыз, удмурт литератураын гинэ ӧвӧл, Россилэн литератураяз но бадӟым инты басьто.
Геннадий Дмитриевич Красильников вордӥськиз Алнаш черкогуртын. Алнашысь шор ёзо школаез йылпумъяса, Ленинградысь связья училищее дышетскыны пыриз вал, но тазалыкез лябен отысь бертоно луиз. Собере кык ар Алнаш детдомын воспитатель луыса ужаз. Ог вакыт мылкыдыз артист луыны бурдъяськиз вал, но конкурс пыр ӧз ортчы.
Литературае пырон (1953)
[Тупатыны | бамлэсь кодзэ тупатоно]1952-тӥ арын Геннадий Красильников пыриз дышетскыны Москваысь М. Горький нимо Литературной институтэ. Москваын дышетскон аръёсыз тунсыкоесь но емышоесь вал. Со тодмо писательёс пӧлын но тунсыко тодосчиос дорын дышетскиз, трос ӟуч но кунгож гожъяськисьёсын пумиськылӥз но кенешылӥз. Институтын литература омырен шоказ, тужгес но шунытскон вакытлэн эрико омыреныз. Москваын дышетскон аръёсыз ик егит прозаиклы искусство удысысь выл мертэтъёсыз но куронъёсыз валаны юрттӥзы. Соос герӟаськемын вал огшоры адямилэсь дунзэ, улон философизэ но пуш дуннезэ суредан амалъёсын. Татын 1953-тӥ арын со поттэ веросъёсын нырысетӥ сборниксэ, кудӥз нимаське «Огшоры нунал». Та веросъёсаз автор огшоры адямиез огшоры югдуръёсын возьматӥз. Геннадий Красильников азьланяз но ӧз дугды веросъёсты гожъяны. Студент дыръяз ик со гожтӥз нырысетӥ повестьсэ — «Вуж юрт». Та повесть Красильниковлэн дипломной ужез вал.
Алнашын (1957—1963)
[Тупатыны | бамлэсь кодзэ тупатоно]Дышетсконзэ йылпумъяса, Геннадий Красильников Алнаше ужаны но улыны бертӥз. Та вакытэ со профессиональной писатель, общественной ужась но депутат вал. Алнаш вакытэз Г. Красильниковлэн улоназ тужгес но шудоез вал, дыр. Та аръёсы со гожтӥз «Тӧлсяська» романзэ, кудӥз «Вуж юрт» повестьлэн кыкетӥ люкетэз луэ.
Алнашын улыкуз ик Красильников поттэ «Тонэн кылисько» повестьсэ, кытын валтӥсь герой, Алёша Курбатов, городэ дышетскыны пырыны ӧз быгаты но гуртаз ужаны берытсконо луиз. Ужакуз гуртысьа дямиосты Алёша мукет сямен адӟыны кутскиз но гурт ужез данъяны кутскиз.
Ижкарын (1963 бере)
[Тупатыны | бамлэсь кодзэ тупатоно]1963-тӥ арын Г. Красильниковез Удмуртиысь Писательёслэн огазеяськоназы тӧрое быръё, соин валче 1964-тӥ арын со Ижкаре улыны выже. Иже лыктыкуз, оскиз, удмурт литератураез азинтонын трос уж бергатоз шуыса. Ижкарын улыкуз со поттэ «Арлэн кутсконэз» романзэ. Романын кык пӧртэм философиен улӥсь врачьёс суредамын: огласянь, арлыдо но трос шуг-секытъёс пыр ортчем главврач Алексей Соснов, кудӥз понна уж но адямилэн висёнэз, куректонэз нырысь интыын, мукет ласянь, егит но визьмо, ассэ яратӥсь но кивалтон уж сярысь малпась хирург Световидов, кудӥз ужзэ ньӧмыз понна гинэ быдэсъя.
Г. Красильников весь выльзэ утчаз, со тужгес но шодӥськиз пичи жанръем ужъёсаз. Кылсярысь, «Кошкисез мед кошкоз» верос котырын бадӟым кылож жутӥськылӥз, кудӥз туннэ нуналозь но ӧз чалмы ай (Пукроков 2009: 170, Шкляев 2009: 178). Г. Красильниковлэн берпуметӥ ужез — ӟуч кылын гожтэм неоверос — рваные сны. Куд-ог критикъёс (А. Зуева, Н. Лекомцева) отысь экзистенциализмлэсь тодметъёссэ но висъяло.
Г. Красильников трос малпанъёссэ быдэстыса оз вутты. Секыт висеменыз со 1975-тӥ арын оштолэзе улонысь кошкиз.
Валэктонъёс
[Тупатыны | бамлэсь кодзэ тупатоно]- ↑ Красильников Геннадий Дмитриевич — 3-е изд. — М.: Советская энциклопедия, 1969.