Кузонлэн историез

Википедиысь материал

Карлэн историез бигер калыклэн историеныз герӟаськемын. Трос дауръёс ӵоже Кузон та мусульман калыклэсь улон сюрессэ уте но азинтэ вал.

Кузон нимлэн кылдэмез сярысь пӧртэм веранъёс но легендаос вань. Огез соос пӧлысь: Кузон крепость Волга шурлэн ярдураз ӝутэмын вал Булгар Ханствоез утен понна. Туж умой интыын сылэмез понна, котырес луэмез понна, соин сэрен казанлы (рис пӧзьтон котел) укшаемез понна, Казань ним но, пе, сётэмын.

Туннэ нуналлы Кузонлэн кылдэмез пумысен историез эскерисьёс одӥг малпанэ вуэмын – кар 1000 ар талэсь азьвыл кылдэмын Волжской Булгарилэн форпостэз луыса. Татаро-монголъёс вуэм бере, Кузон итӥське Зарни Орда борды. XIII-XIV дауръёсы Кузон туж азинске – та кар пыр вузкарон Европаез но Азиез герӟась сюресъёс ортчо, политикая центр луыны кутске.

Вашкала ӟуч книгаосын Кузон сярысь информация шедьыны кутске XIV—XV дауръёсысен гинэ. 1438-тӥ арысен, Зарни Орда быремен сэрен, Казанской Ханстволэн шоркареныз лыдъяськыны кутскиз. Нюръяськон кутскиз Московской государствоен. 1552-тӥ арын Кузон Иван Грозныйлэн ожгарчиосыз кужмысь басьтӥзы Кузонэз. Быдтэмын вал туж трос калык, город сутэмын-куашкатэмын.

Муско кунэ пыремез бере, Кузонлэн выль азинскон сюресэз усьтӥськиз. 1556-тӥ арын тӧдьы излэсь Кремль ӝутыны кутско. Бигеръёслы городлы 30 иськемлы матынгес улыны уг яра вал. Соин сэрен – калыклэн лыдыз городын туж ичи вал.

XVII дауре карлэн экономикаез ӝог азинскыны кутскиз. Усьтӥсько нырысетӥ мануфактураос. 1708-тӥ арын Кузон Казанской губерниялэн шоркарез луыса юнматэмын. Со дырысен город губернской город луыса будыны ӧдъя. Поволжье улосын культурной шоркарез лыдъяськыны кутске: 1758-тӥ арын усьтӥське нырысетӥ гимназия, 1771-тӥ арын – нырысетӥ медресе, 1791-тӥ арын – нырысетӥ театр, 1804-тӥ арын - университет (Россиысь куинетӥез!!!)

Революция но Граждан ож вакытъёсы Кузон большевикъёслэн огез нюръяськон шоркарзы луиз. Татын ортчизы шимес виркисьтон ожъёс.

1920-тӥ арын Кузон ТАССР-лэн шоркарез луыса юнматэмын.

Быдзым Атыкай война дырья Кузонэ трос заводъёсты эвакуировать каремын вал. Озьы ик Наукаосъя академилэсь ёзъёссэ.

Туннэ нунналы Кузон – Россилэн куинетӥ шоркареныз лыдъяське.