Лудорвай

Википедиысь материал
Перейти к навигации Перейти к поиску
Гурт
Лудорвай


Координатаос: 56°45′23″ у. ш. 53°05′32″ ӵ. д. / 56.756389° у. ш. 53.092222° ӵ. д. (G) (O) (Я)56°45′23″ у. ш. 53°05′32″ ӵ. д. / 56.756389° у. ш. 53.092222° ӵ. д. (G) (O) (Я)

Шаер Россия
Улос Удмуртия
Ёрос Завьял ёрос
Улӥсьёс (2018) 1335 адями
Часовой пояс UTC+4
Телефон код +7 3412
Почта индекс 427010
Идентификатор 94216837001

Лудорвай (Удмуртия)
Лудорвай
Лудорвай

Лудорвай (Завьял ёрос)
Лудорвай
Лудорвай

Лудорвай — Дэри ёросысь «Пероггурт» муниципал кылдытэтысь удмурт гурт.

Интыяськемез[Тупатыны | вики-текстэз тупатыны]

Лудорвай гурт интыяське 12 иськемын Ижкарлэсь но 18 иськемын Дэри черкогуртлэсь. Гурттӥ ортче Лудорвай шур. Гурт вӧзтӥ Нылга тракт но Ижлэн котыр сюресэз ортчо.

Лудорвай гуртлэсь 1 иськемын интыяськемын Архитектурая но этнографияя «Лудорвай» музей-заповедник.

Историез[Тупатыны | вики-текстэз тупатыны]

Революция дорозь Лудорвай Ватка губерниысь Сарапул уездэ пыриз. 1859-тӥ арын ортчытэм дасэтӥ ревизияя, Лудорвайка шур вылысь Лудорвай казённой гуртысь 58 юртъеръёсын 518 мурт улӥз, 4 вуко ужаз.

1921-тӥ арын Лудорвай Вуж Венья волостьлэн центрез луэ, нош ачиз волость Советской нимамын, собере со выже Иж уездэ. Соин огвакытэ Лудорвай гурт Лудорвай сельсоветлэн центрез луэ. 1929-тӥ арын волость быдтэмын, Лудорвай пыре соку гинэ кылдытэм Иж ёросэ.

1931-тӥ арын ёрос быдтэмын, Лудорвай сельсовет пыртэмын Ижысь горсоветэ, нош 1935-тӥ арын выльысь кылдэ Иж ёрос, кытчы выльысь пыре Лудорвай сельсовет. 1936-тӥ арын 20-тӥ мартэ, Удмуртиысь ёросъёсыз бадӟыматон реформа мыныку, УАССР-ысь ЦИК косӥз люкыны Иж ёросэз Лудорвай но Завьял ёросъёслы. Лудорвай ёросэ Лудорвай центрен пырыны кулэ вал Большекияикской, Верх-Люкской, Козловской, Лудорвай, Люк, Никольской, Шабердинской но Юсь сельсоветъёс. Но постановлениын юнматэмын вал Завьял ёрос гинэ, Лудорвай ёрос Иж ёросэ ик кылиз.

1960-тӥ арын Лудорвай но Юсь сельсоветъёс огазе каремын, соослэн центрзы — Совхозной посёлок. 1965-тӥ арын Юсь сельсовет пыриз соку гинэ кылдытэм Дэри ёросэ.

1984-тӥ арын Лудорвай пыртэмын Пероггурт сельсоветэ.

Лудорвай уж[Тупатыны | вики-текстэз тупатыны]

1928-тӥ ар пумын ортчем суд процесс, историе со кылемын «Лудорвай уж» нимын, тодмо луиз быдэс кунмылы.

1928-тӥ арын 26-27-тӥ инвожое Лудорвай, Юсь но Лудӟи гуртъёсын, сельсоветысь ужасьёсын кенешыса, кулакъёс куанеръёсыз, кудъёсыз соосыз пыкылӥзы но адӟемпотостэм каризы, жугизы. Калыклэн вожпотэмез но ужлэн тодмо луэмез бере кулакъёслы пумит уголовной уж ӝутэмын вал.

Тодмо адямиосыз[Тупатыны | вики-текстэз тупатыны]

Озьы ик учке[Тупатыны | вики-текстэз тупатыны]