Лудорвай музей-заповедник

	Лудорвай музей-заповедник
Шаер	Удмуртия
Интыяськемез	Завьял ёрос
Кылдон дырыз	1980 ар
Усьтэмын	1997 ар
Азьвыл нимъёсыз	Ильинка музей
Фондэзлэн быдӟалаез	2177 арбери (2006)
Сайтэз	https://ludorvay.ru
	ВикиCommons-ысь медиафайлъёс

Та кыллэн мукет валатонъёсыз но вань, учке Лудорвай (валатонъёсыз).

Архитектурая но этнографияя «Лудорвай» музей-заповедник — ялан будӥсь экспозициен ин улысь аспӧртэмлыко музей. Удмуртиысь Дэри ёросын интыяськемын, Лудорвай гуртлэсь 1 иськемын. 2006-тӥ арын вормиз «Воштӥськись музей воштӥськись дуннеын» вожвылъяськонын «Вукочилэн лушкем малпанъёсыз» проектэн.

Музей-заповедник 1980-тӥ арын УАССР-ысь Министръёслэн Кенешсылэн решениезъя кылдытэмын вал. 1990-тӥ арын солы висъямын музъем Ильинка бырем гуртын, со интыяськем Лудорвай гуртлэсь ог иськемын. 1997-тӥ арын музей нырысетӥ куноосэ пумитаз. 2004-тӥ арозь «Архитектурно-этнографический музей „Ильинка“» нимаськиз. Малпамъя, музей 5 секторъёслэсь кылдоз: уйпал, шор но лымшор удмурт, ӟуч но бигер. Пуктӥськонлэн валтӥсь принципез — пичи гуртъёс кылдытон, кытын луозы возьматэмын вӧсенызы герӟаськем но валтӥсь юртъеръёс. Соос возьматыны кулэ XIX даурлэсь пумын — XX даурлэн кутсконаз улэмез.

Али музейын 3 синпелетъёс ужало: Востриковлэн усадьбаез («Шор удмуртъёс» сектор), Драгомиров семьялэн тӧл вукоез но Атамановлэн усадьбаез («Лымшор удмуртъёс» сектор), ваньзэ-ӧвӧлзэ 21 постройка, огъя адӟытон площадь — 691 м². 2006-тӥ арын фондлэн коллекцияз 2177 арбериос лыдъяськизы. Музей бордын фольклор коллектив ужа, учкисьёс понна радъясько экскурсиос, удмурт шудонъёсын, сьӧд мунчоен тодматскон. Ар ӵоже заповедникын пӧртэм ужрадъёс, календарной праздникъёс (Пӧртмаськон, Вӧйкелян, Петров нунал, Чечы спас, Выль Ар но мукет) ортчыло, соос тодмато Ижын улӥсьёсыз но куноосыз Удмуртиын улӥсь калыкъёслэн сям-йылолъёсынызы.