Завьял ёрос

Википедиысь материал
Перейти к навигации Перейти к поиску
Завьял ёрос
Coat of Arms of Zavyalovo Region (Udmurtia).svg Flag of Zavyalovo Region (Udmurtia).svg
Герб Флаг
Завьял ёрос Удмуртилэн карта вылаз
Центр Завьял
Улӥсьёс
 - ваньмыз 72 011
 - плотность 32,4 адями/км²
Территория
 - ваньмыз 2 220 км²

Завьял ёрос (яке Дэри ёрос) — Удмуртиысь ёрос. Площадез — 2 220 км². Ёрослэн административной центрез — Дэри черкогурт. Завьял ёрос кылле Удмуртилэн шораз ик, Ижез котыртыса. Завьял ёрос луэ Удмуртиысь пристоличной ёрос (официальной статусэз).

Шундыпуксён паласен шунды ӝужан дорозь Дэри ёрос 75 иськем кыстӥське, уйпаласен лымшорозь — 57 иськем. Оглом 2 сюрс 220 квадрат иськем вылэ вӧлскемын Дэри ёрос.

Филология наукаосъя доктор М. Г. Атаманов Дэри топонимлэсь кызьы кылдэмзэ тазьы валэктэ: нырысьсэ Дэри сярысь веран пусъемын 1710-тӥ арын ортчем переписьын. Арске нуись сюрес вылын Дери-Чудья гурт вань — со ик Завьялово. Завьял — гуртэз кылдытӥсьлэн нимыз. Дэри гурт ним потэмын Дерьянка шурлэн ӟуч нимыз бордысь, дэри, напра шуэмез возьматэ. Чудья — удмурт воршуд ним. 1710-тӥ арын гуртын 55 юрт вылэм, улӥсьёсыз чын удмуртъёс гинэ, пе.

Секыт вакытъёс тупазы Ижлы матын интыяськем ёросын улӥсьёслы. Уго Иж заводэз ӝутон соослэсь палэнэ ӧз кыльы — заводлы 60 иськеме матын пуксем гуртъёсысь калыкез завод борды гожъязы. Завьял но Юсь волостьёсы пырись крестьянъёсты кужмысь ужатӥзы: пристане вуэм вузъёсты ӝоктӥзы, чугун но мукет корт нуллӥзы. Кылсярысь, 1834-тӥ арын Дэри ёросысь 1099 мурт Иж заводын тыршиз.

Ёрослэн туала тусыз кылдэмын 1937-тӥ арын. Татын 127 гурт интыяськемын. Ёросын артэ уло но ужало пӧртэм выжыысь калыкъёс. Соос пӧлысь 50,7 % — удмуртъёс, 43,9 % ӟучъёс, 3,2 % бигеръёс. Вань улӥсьёс — 72 сюрслэсь трос. Гужем вакытъёсы ёросысь калыклэн лыдыз йылэ 5-6 поллы, уго Дэри музъем вылын интыяськемын 164 сад-бакча кооператив.

Ёрослэн экономикаяз бадӟым инты басьтэ гурт удыс. Татын 108,93 сюрс гектар гыроно-кизёно муоссы. Районлэн огъя быдӟаласьтыз 40 процентэз муос нюлэсъёсын шобыртэмын. Татын азинско гурт удыс, нюлэс дасян, му вӧй поттон.

Чӧлсконъёс[Тупатыны | вики-текстэз тупатыны]