Нептун

Нептун
Усьтон
Первооткрывателез	Урбен Леверье, Иоганн Галле, Генрих д’Арре
Усьтон инты	Берлин
Усьтон дата	23-тӥ сентябрь 1846
Шараян амал	лыдъян
Орбита аслыкъёс
Перигелий	4 452 940 833 км 29,76607095 а. е.
Афелий	4 553 946 490 км 30,44125206 а. е.
Бадӟым полуось (a)	4 503 443 661 км 30,10366151 а. е.
Орбиталэн эксцентриситетэз (e)	0,011214269
Берганлэн сидерической периодэз	60 190,03 нунал 164,79 ар
Берганлэн синодической периодэз	367,49 нунал
Орбитальной скорость (v)	5,4349 км/с
Шоро-куспо аномалия (Mo)	267,767281°
Някырскон (i)	1,767975° 6,43° Шундылэн экваторезъя
Ӝутскись гердлэн долготаез (Ω)	131,794310°
Перицентрлэн аргументэз (ω)	265,646853°
Малэн спутникез	Шунды
Спутникъёс	14
Физической аслыкъёс
Полярной шымырскон	0,0171
Экваторлэн радиусэз	24 764 ± 15 км
Полярной радиус	24 341 ± 30 км
Шорлыдо радиус	24 622 ± 19 км
Выллэн площадез (S)	7,6408·109 км²
Объём (V)	6,254·1013 км³
Масса (m)	1,0243·1026 кг
Шорлыдо плотность (ρ)	1,638 г/см³
Эрико усёнлэн ӝогомонэз экваторын (g)	11,15 м/с² (1,14 g)
Кыкетӥ космической скорость (v2)	23,5 км/c
Экваторлэн берган скоростез	2,68 км/с 9648 км/ч
Берган период (T)	0,6653 нунал 15 ч 57 мин 59 с
Осез някыртон	28,32°
Уйпал полюслэн шонер ӝужанэз (α)	19ч 57м 20с
Уйпал полюслэн палэнсконэз (δ)	42,950°
Альбедо	0,29 (Бонд) 0,41 (геом.)
Кизилилэн адскись быдӟалаез	8,0—7,78m
Угловой диаметр	2,2"—2,4"
Температура
	мин. шор. макс.
1 барлэн уровенез	72 К (−200 °С пала)
0,1 бар (тропопауза)	55 К
Атмосфера
Состав: 80±3,2 % водород (H2) 19±3,2 % гелий 1,5±0,5 % метан ~0,019 % водородлэн дейтеридэз (HD) ~0,00015 % этан Йӧос: аммиак ву аммонийлэн гидросульфидэз (NH4SH) метан (?)

Нептун — Шунды системаысь тямысэтӥ планета. Со Шунды дорысен Музъемлэсь куамын пол кыдёкын луэ. Нимамын Вашкала Римысь зарезьёсъя инмарлэн нимыныз.

Планетаез усьтон

1781-тӥ арын Уранэз усьтэм бере, арысь аре астрономъёс асьсэлэн мощной телескопенызы выль планеталэсь инбамын бергамзэ чаклазы. Уран кизилиос пушкын ӧжыт странногес ветлэ шуыса, весь ӵем но ӵем асьсэлэсь паймемзэс вералляны кутскизы. Солы кыӵе ке но кужым кызьы кулэ озьы двигаться карыны люкетэ шуыса, адӟиське вал. Солэн движениез адӟиськонтэм муген яке могӟылӥз, яке ӝог луылӥз.

Ньютонлэсь дунне кыстӥськон сярысь законзэ уже кутыса, ученойёслэн котьку быгатонлыксы вань ин телоослэн движенизылэсь направленизэс но скоростьсэс шонер тодыны. Нош Уран планеталэн орбитаетӥ мынэмезлэсь аномалиоссэ Шундылэн но мукет тодмо 6 планеталэн кыскись кужыменызы валэктон нокызьы но ӧз пӧрмылы.

Уж валэктӥськиз мукет сямен: француз учёной Урбен Леверье Уран планетаез нош на Уранлэсь кыдёкын луись кыӵе ке но выль планета определённой кужымен кыске шуыса малпаз. Притяженилэн направлениезъя но солэн кужымезъя Леверье та планеталэсь инмын кыӵе интыяз луэмзэ тодыны малпаз.

Леверьелэн кема но шуг лыдъянъёсыз 1846-тӥ арын быдэсмизы. Та дышетскем мурт инмысь, кытысь кулэ вал утчаны планетаез, ӵапак интызэ ик возьматӥз. Нош отысь сое утчаны шуг вал. Кужмо телескоп пыр татын туж уно кизилиос адӟиськизы. Нырысь учкылыку, кудӥз соос пӧлысь планета чик тодманы ӧз луылы. Нош Леверье пӧяськымтэен луиз. Та планетаез но шедьтӥзы. Со Музъемлэсь туж кыдёкын вал, телескоп пыр но пичи гинэ адӟиськиз.