Петров, Михаил Петрович: Версиосыз куспын пӧртэмлык

Навигация доры потоно Утчан доры потоно
п (робот косметические изменения)
[[fi:Mihail Petrov]]
[[ru:Петров, Михаил Петрович (писатель)]]
 
 
 
'''Михаил Петрович Петров''' - тодмо удмурт писатель, кылбурчи.
== Улон сюресэз ==
Михаил Петрович Петров вордиськиз 1905-ти арын [[ Татарстан | Татарстанысь ]] Монашево гуртын, огшоры крестьян семьяын. Вордскем гуртысьтыз куинь классъем школаез быдтэм бере со азьланьтэ дышетсконзэ матысь черкогуртын. Но коня ке толэзь ортчыса со кельтэ дышетсконэз. 12 арескын со кыле анйтэк-атайтэк но колхозэ ужаны пыре. 1921-ти арын со улыны лыктэ Удмуртие [[ Можга ]] черкогуртэ но регистратор луыса татын ужа. 1923-ти арын со пыре дышетскыны [[ Ульяновск | Ульяновскысь ]] военной школае, нош 1926-тӥ арысен со кун утиськонъя органъёсын служить каре. 1932-ти арын со кельтэ службазэ но ужаны кутске удмурт газетлэн редакцияз. Та дырысен со быдэсак гожъяськон удысэ выже. 1931-ти арын потэ солэн «Ваче пинь» веросъёсын бичетэз, нош 1934-ти арын – кылбуръёсын нырысети бичетэз, кудиз нимаське «Ошмес син». 1937-ти арын со ужа Удмурт книга поттонлэн редактореныз, 1941-ти арын фронтэ кошке.
1947-ти арын Михаил Петров Удмурт книга поттонниен кивалтэ. Со арын ик «Кырзан улоз» поэмазэ печатла. Та поэма сиземын удмурт кылбурчилы Филипп Кедровлы, кудиз ожын быриз. Поэмалэн валтись героез огшоры кылбурчи гинэ уг луы, со – зэмос солдат, кудиз сётиз ас улонзэ вордскем музъемез понна. Петров пыртэ пэмаяз кылбурчилэн улонысьтыз зэмос учыръёсты но фактъёсты, солэсь малпанъёссэ но сюлэмшугъясконъёссэ. 1950-ти арын Михаил Петровез Удмуртиысь писательёслэн огазеяськонзылэн председателе быръё, нош 1951-ти арын тазалыкез сэрен со кельтэ та ужинтыез.
Михаил Петров трос саклык висъяз берыктон ужлы. Удмурт кылэ со трос зуч классикъёсты берыктиз.
1955-ти арын Михаил Петров сюлэм висёнлэсь кулэ. Аслаз ужъёсыныз со возьматиз: сталинизм вакытэ но выли зечлыкъем произведениос кылдытыны луэ, со понна «пыраклы» (вечные) тунсыко луись темаосты но ужпумъёсты жутыны кулэ.
== Ужъёсыз ==
'''1945: «Италмас»'''. 1945-ти арын, ожысь лыктыса, М. Петров гожтэ «Италмас» поэмазэ. Солэн инъетэз луэ удмурт калыклэн национальной мифологиез. Поэмаын егит пияш эмез октыку пумита нылашез но соос синмасько ог-огзылы. Пияш ваньзэ мачке анаезлы, маде солы ас уйвотъёсыз сярысь. Анаез солы вера сыче уйвотъёс уродлы шуыса. Тулыс шудонъёс дыръя егитъёс нош ик пумисько. Пияш нылызлы италмас сяськаос кузьманы малпа но мынэ соос понна шурлэн мукет ярдураз. Сяськаосын шурез выжыкуз со усе шуре но вые. Нылаш быдтэ ас улонзэ, тэтчиз шуре со ик интые. Та поэма дышетэ кадь: мултэс шудбур кайгуэн артэ ветлэ. Со вакытысь критикъёс уг дунъяло «Италмас» поэмаез, верало со пессимистической луэ шуыса (кулон ворме яратонэз).
 
'''1954: Мултан уж.''' Дано бадзым романзэ печатламлэсь азьло М.Петров гожтэ «Зардон азьын» повестьсэ, кытын гуртлэсь, ожгар мыныку, секыт улэмзэ возьматиз. Мадёслэн валтись героез, Кима Бобров, трос шуг-секытъёсын пумиське. Писатель Г. Медведевлэн «Лозя бесмен» трилогиысьтыз коллизиосты выль сямен усьтыны тырше. 1954-ти арын М. Петров «Молот» журналлэн редакцияз ужаны кутске. Со дыре со поттыны дася ас улонысьтыз валтись ужзэ – «Вуж Мултан» романзэ. Со бордын гожъясьчи ужаз ог кызь ар. Романаз М. Петров возьматэ удмуртъёслэн историысьтызы одиг кошкемыт учырез. XIX-ти даурлэн пумаз Мултан гурт дорысь шедьтизы куанер кураськисьлэсь шойзэ. Мултанысь удмуртъёсты янгыше уськытизы соос со кураськисез инмарлы восязы. Нырысети суд пумкыл поттиз тямыс удмуртъёсты каторгае келяно шуыса, но Сенат та пумкылэз оз юнматы. Ар ортчыса нош ик суд ортчиз, татын но нокыче пумкыл оз поттэ. Куинети суд дыръя гинэ со удмуртъёсты оправдать каро. Та романын Михаил Петров возматэ, кызьы зуч интеллигенция дурбасьтэ удмуртъёс пала (романлэн социальной палыз). Но туала лыдзисьёслы озьы ик тунсыко потто ни «кыкети планысь» геройёс но – удмурт ужбергатись Буграш, зуч нылаш Даша Гришина, угось татын М. петров мур психолог луэмзэ яркыт возьматыны быгатиз.

Навигация