Петров, Михаил Петрович

Википедиысь материал
Михаил Петрович Петров
Ужан удысэз: Ошибка Lua в Модуль:Wikidata/item на строке 87: attempt to call field 'wrapSnak' (a nil value).
Вордӥськем нуналыз: 21-тӥ шуркынмонэ 1905({{padleft:1905|4|0}}-{{padleft:11|2|0}}-{{padleft:21|2|0}})
Вордӥськем интыез: Ошибка Lua в Модуль:Wikidata/Places на строке 531: attempt to call field 'getPropertyInBoundaries' (a nil value).
Кун: Ошибка Lua в Модуль:Wikidata/Places на строке 531: attempt to call field 'getPropertyInBoundaries' (a nil value).
Кулон нуналыз: 29-тӥ шуркынмонэ 1955({{padleft:1955|4|0}}-{{padleft:11|2|0}}-{{padleft:29|2|0}}) (50 лет)
Кулон интыез: Ошибка Lua в Модуль:Wikidata/Places на строке 531: attempt to call field 'getPropertyInBoundaries' (a nil value).

Михаил Петрович Петров (8-тӥ (21-тӥ) шуркынмонэ 1905-тӥ ар — 29-тӥ шуркынмонэ 1955-тӥ ар) — удмурт прозаик, кылбурчи, драматург, кылысь кылэ берыктӥсь.

Улон сюресэз[Тупатыны | бамлэсь кодзэ тупатоно]

Вордӥськиз Татарстан Республикаысь Менделеевск ёросысь Монашево гуртын. 1923-тӥ арын областной совпартшколаез йылпумъямез бере дышетскыны келяло Ульяновскысь военной школае.

1926—1932-тӥ аръёсы Тирасполь но Ижкар городъёсын служить кариз. 1931-тӥ арын потэ солэн «Ваче пинь» веросъёсын бичетэз. 1934-тӥ арын — кылбуръёсын нырысетӥ бичетэз, кудӥз нимаське «Ошмес син».

1933—1941-тӥ аръёсы «Удмурт комунна» газетын но «Молот» журналын ужаз.

Быдӟым Атыкай ож вакытэ фронтэ келяло.

1945-тӥ арысен Удгизлэн директорез но «Молот» журналлэн валтӥсь редакторез.

1947-тӥ арын Михаил Петров Удмурт книга поттонниен кивалтэ. Со арын ик «Кырӟан улоз» поэмазэ печатла. Та поэма сӥземын удмурт кылбурчилы Филипп Кедровлы, кудӥз ожын быриз. Поэмалэн валтӥсь героез огшоры кылбурчи гинэ уг луы, со — зэмос солдат, кудиз сётӥз ас улонзэ вордскем музъемез понна. Петров пыртэ пэмаяз кылбурчилэн улонысьтыз зэмос учыръёсты но фактъёсты, солэсь малпанъёссэ но сюлэмшугъясконъёссэ. 1950-тӥ арын Михаил Петровез Удмуртия писательёслэн огазеяськонзылэн председателе быръё, нош 1951-тӥ арын тазалыкез сэрен со кельтэ та ужинтыез.

Михаил Петров трос саклык висъяз берыктон ужлы. Удмурт кылэ со трос ӟуч классикъёсты берыктиз.

1955-тӥ арын Михаил Петров сюлэм висёнлэсь кулэ. Аслаз ужъёсыныз со возьматиз: сталинизм вакытэ но выли зечлыкъем произведениос кылдытыны луэ, со понна «пыраклы» (вечные) тунсыко луись темаосты но ужпумъёсты жутыны кулэ.

Творчествоез[Тупатыны | бамлэсь кодзэ тупатоно]

Нырысетӥ кылбуръёсэ но веросъёссэ 1928-тӥ арын «Гудыри» газетын печатлазы. 30-тӥ аръёсы кылбуръёссэ лирик амалэн гожъя (Удмурт шаерез яратон, Партиез данъян, Икуазьлы вазиськон). Со вакытэ ик пыриське фольклор экспедицие, кудӥз бере ик поттэ 3 кылык кырӟанъёсын бичетъёсты. Фольклор материалъёсын ужамез юрттӥзы М. П. Петровлы выль лирической кырӟанъёсты гожтыны, кудъёсыз паськыт вӧлмизы удмурт калык пӧлын («Ой, шулдыр, туж шулдыр», «Марым, лэся», «Уй тылъёс»). 30-тӥ аръёслэн пумаз поэма жанр борды басьтӥське. Тужгес тодмо луизы «Италмас» (1946) но «Кырӟан улоз» (1950) поэмаосыз.

Быдӟым Атыкай ож вакытысь веросъёсыз но очеркъёсыз ожгарчиослы сӥземын. 1948-тӥ арын «Улон понна» война сярысь веросъёсын бичет поттэ.

50-тӥ аръёсы басьтӥське повесть но роман гожтон борды. 1952-тӥ арын печатламын «Ӟардон азьын» повестез, кудӥзлы Петер Домокош вылӥ денъет сётӥз. 1954-тӥ арын йылпумъя «Вуж Мултан» романзэ.

Драматургия жанръёсын асьсэ эскериз: 10 пьеса гожтӥз, тужгес умойёсыз — «Батрак» (1931), «Тыл пыр» (1933), «Зӥбет зурка» (1934), «Италмас» (1938) — Удмурт драмтеатрлэн сцена вылаз адӟытэмын вал.

Удмурт кылэ берыктӥз «Слово о полку Игореве», «Давид Сасунский» книгаосты, ӟуч писательъёслэсь гожъямъёссэ — А. Н. Островскийлэсь, Л. Н. Толстойлэсь, Н. А. Некрасовлэсь, Т. Г. Шевченколэсь, М. Горькийлэсь, М. А. Шолоховлэсь , М. Джалильлэсь, В. В. Маяковскийлэсь но мукетъёсызлэсь.

Ужан Горд Знамя орденэн, «Знак Почёта» орденэн но медальёсын пусьемын.

1945: «Италмас». 1945-тӥ арын, ожысь лыктыса, М. Петров гожтэ «Италмас» поэмазэ. Солэн инъетэз луэ удмурт калыклэн национальной мифологиез. Поэмаын егит пияш эмез октыку пумита нылашез но соос синмасько ог-огзылы. Пияш ваньзэ мачке анаезлы, маде солы ас уйвӧтъёсыз сярысь. Анаез солы вера сыӵе уйвӧтъёс уродлы шуыса. Тулыс шудонъёс дыръя егитъёс нош ик пумисько. Пияш нылызлы италмас сяськаос кузьманы малпа но мынэ соос понна шурлэн мукет ярдураз. Сяськаосын шурез выжыкуз со усе шуре но вые. Нылаш быдтэ ас улонзэ, тэтчиз шуре со ик интые. Та поэма дышетэ кадь: мултэс шудбур кайгуэн артэ ветлэ. Со вакытысь критикъёс уг дунъяло «Италмас» поэмаез, верало со пессимистической луэ шуыса (кулон ворме яратонэз).

1954: Мултан уж. Дано бадӟым романзэ печатламлэсь азьло М. Петров гожтэ «Ӟардон азьын» повестьсэ, кытын гуртлэсь, ожгар мыныку, секыт улэмзэ возьматӥз. Мадёслэн валтӥсь героез, Кима Бобров, трос шуг-секытъёсын пумиське. Писатель Г. Медведевлэн «Лӧзя бесмен» трилогиысьтыз коллизиосты выль сямен усьтыны тырше. 1954-тӥ арын М. Петров «Молот» журналлэн редакцияз ужаны кутске. Со дыре со поттыны дася ас улонысьтыз валтӥсь ужзэ — «Вуж Мултан» романзэ. Со бордын гожъясьчи ужаз ог кызь ар. Романаз М. Петров возьматэ удмуртъёслэн историысьтызы одӥг кошкемыт учырез. XIX-ти даурлэн пумаз Мултан гурт дорысь шедьтӥзы куанер кураськисьлэсь шойзэ. Мултанысь удмуртъёсты янгыше уськытӥзы соос со кураськисез инмарлы вӧсязы. Нырысетӥ суд пумкыл поттӥз тямыс удмуртъёсты каторгае келяно шуыса, но Сенат та пумкылэз ӧз юнматы. Ар ортчыса нош ик суд ортчиз, татын но нокыӵе пумкыл ӧз поттэ. Куинетӥ суд дыръя гинэ со удмуртъёсты оправдать каро. Та романын Михаил Петров возматэ, кызьы ӟуч интеллигенция дурбасьтэ удмуртъёс пала (романлэн социальной палыз). Но туала лыдзисьёслы озьы ик тунсыко потто ни «кыкетӥ планысь» геройёс но — удмурт ужбергатӥсь Буграш, ӟуч нылаш Даша Гришина, угось татын М. Петров мур психолог луэмзэ яркыт возьматыны быгатӥз.

Книгаосыз[Тупатыны | бамлэсь кодзэ тупатоно]

  • Ошмес син: Кылбуръёс, Ижевск, 1934;
  • Пьесаос. Ижевск, 1937;
  • Кылбуръёс но кырӟанъёс. Ижевск, 1939;
  • Сильтӧл пыр: кылбуръёс, поэмаос. Ижевск, 1946;
  • Вуж Мултан: роман. М., 1956, 1973, 1980; Ижевск, 1957, 1959, 1995;
  • Собрание сочинений в 4 томах. Ижевск, 1963;
  • Люкам сочинениос. Ижевск, 1961;
  • Иске Мултан. Казань, 1960 (биг. кылын).