Пичи Пурга

Википедиысь материал
Перейти к навигации Перейти к поиску
Черкогурт
Пичи Пурга
Храм в Малой Пурге.JPG
Пичи Пургалась черк

Координатаос: 56°33′15″ у. ш. 52°59′43″ ӵ. д. / 56.554167° у. ш. 52.995278° ӵ. д. (G) (O) (Я)56°33′15″ у. ш. 52°59′43″ ӵ. д. / 56.554167° у. ш. 52.995278° ӵ. д. (G) (O) (Я)

Шаер Россия
Улос Удмуртия
Ёрос Пичи Пурга ёрос
Улӥсьёс (2016) 9027 адями
Часовой пояс UTC+4
Телефон код 34138
Почта индексъёс 427820

Пичи Пурга (Удмуртия)
Пичи Пурга
Пичи Пурга

Пичи Пурга — Удмурт шаерысь бадӟым черкогурт (село). Со Пичи Пурга ёрослэн центрез луэ. Улӥсьёслэн лыдзыя удмурт черкогуртъёс пӧлын кыкетӥ интыын сылэ (Дэри черкогурт бере). Интыяськемын Ижлэсь 37 иськемлы палэнын, Удмурт Республикалэн лымшор палаз. Черкогуртлэсь кыдёкын ик ӧвӧл Бигер республика: 4 иськемлы палэнын сылэ бигер шаере пырись Огырчи город — Горький чугун сюреслэн Иж ёзэзлэн станциез.

Гуртлэн историез[Тупатыны | вики-текстэз тупатыны]

Пичи Пурга черкогуртлэн нимыз кылдэмын вашкала удмуртъёслэн Пурга воршуд нимзылэсь. Пурга черк усьтӥськиз 1859-тӥ арын, но сое йылозяз-пумозяз ӝутон йылпумъяськиз ай вуонояз 1860-тӥ арын. Со аре ик 12-тӥ толсуре черк освятить каремын но Михаил Архистратиглы сӥземын. Дыр ортчемъя Пичи Пургаысь пу черк куашкан калэ вуиз, 1902-тӥ арын со интые ӝутэмын вал излэсь черк. Таиз бакель каремын 1902-тӥ арын 3-тӥ январе.

1921-тӥ арозь Пичи Пурга черкогурт пыриз Вятской губернилэн Сарапул уездысьтыз Пичи Пурга волосте, бӧрысь со выжтэмын Вотской областьлэн Иж уездаз. 1929-тӥ арын, Иж уездэз выль сямен радъяку, Пичи Пурга нимаз ёрослы висъямын. Пичи Пурга черкогурт ёрослэн шорсюлмыз луиз.

1963-тӥ арын нош ик воштӥськонъёс ортчизы: Пичи Пурга черкогуртэз выжтӥзы Удмурт АССР-лэн Иж ёросаз. Кык ар ортчыса, Пичи Пурга черкогуртлы выльысь берыктэмын азьвыл статусэз. Со дырысен та село Пичи Пурга ёрослэн центрез луэ.

Экономика[Тупатыны | вики-текстэз тупатыны]

Пичи Пурга черкогуртын ӟеч радъямын экономика удыс. Ушъямон тыршо «Пичи Пургаысь МСО», «Пичи Пургаысь сельлесхоз», озьы ик «Агропромэнерго» но «Потребкооператив» огазеяськонъёслэн Пичи Пургаысь ёзъёссы. Черкогуртын вань кирпич шуккон, йӧллэсь сиён поттон но пластмасслэсь арбериос лэсьтон заводъёс.

Культура[Тупатыны | вики-текстэз тупатыны]

Культура удыс огсыр азинске. Пиналъёслы мур тодон-валан сётон понна черкогуртын усьтэмын гимназия, шор ёзо школа. Кибашлы нылпиослэсь быгатонлыксэс волятон понна 20 ар талэсь азьло — 1989-тӥ арын — кылдытэмын «Пурга кизилиос» центр. Черкогуртын ӟеч радъямын калыклэсь тазалыксэ утён но эмъян. Удмурт Республикалэн президентэз Александр Волков юрттэмъя Пичи Пурга селоын 2002-тӥ арын усьтӥськиз валтӥсь больницалэн улыно-вылыно юртэз. Со сяна, ӝутэмын нуны витись кышномуртъёслы чаклам выль юрт.

Гуртлэн азинскемез[Тупатыны | вики-текстэз тупатыны]

Пичи Пурга черкогуртын вань урамъёс шобыртэмын асфальтэн, котькуд юртэ вуэ чагыр эстӥськон (газ). Берло аръёсы черкогуртын зол азинскиз лэсьтӥськон удыс. Пичи Пургаын кылдӥзы ини уно выль урамъёс: черкогурт тани-тани огазеяськоз Можга нуись тракт вылын сылӥсь Миндэр гуртэн.