Захаров, Пётр Михайлович

Википедиысь материал
Пётр Захаров» бамысь кудланьтэмын)
Захаров Пётр Михайлович
Ужан удысэз: Кылбурчи, журналист, кылысь кылэ берыктӥсь но драматург
Вордӥськем нуналыз: 1961 аре 26 толшор
Вордӥськем интыез: Татарстанысь Кукмор ёросысь Старая Кня-Юмья гурт
Данъянъёсыз:

Владимир Романов нимо Кун Премилэн лауреатэз

Пётр Миха́йлович Заха́ров (1961) — удмурт кылбурчи, журналист, кылысь кылэ берыктӥсь но драматург. Россиысь гожъяськисьёслэн огазеяськонзылэн ёзчиез но Удмуртиысь гожъяськисьёслэн огазеяськонзылэн тӧроез, Удмурт ПЕН-клублэн президентэз, «Инвожо» журналлэн валтӥсь редакторез (1999). Владимир Романов нимо Кун Премилэн лауреатэз (1996).

Улон сюресэз[Тупатыны | бамлэсь кодзэ тупатоно]

Вордӥськиз 1961 аре 26 толшоре Татарстанысь Кукмор ёросысь Старая Кня-Юмья гуртын. Военной службазэ Германиын ортчиз. Собере вордӥськем гуртаз но Дэри ёросын механизатор луыса тыршиз.

Дышетскиз Удмурт кун университетын. Диплом ужез вал постмодернизм амалэн гожтэм «Обыда» пьесаез[1].

Дышетсконзэ йылпумъяса, кык ар пала Дэри ёрос газетын корреспондент луыса ужаз. 1990 арысен «Инвожо» журналын проза ёзэтэныз кивалтӥз, нош 1999 арысен — валтӥсь редакторез луиз.

Творчествоез[Тупатыны | бамлэсь кодзэ тупатоно]

Пётр Захаров гожъяське пӧртэм жанръёсын. Лыдӟисьёслы со тодмо луиз 1987 арысен «Кенеш» журналын но «Советской Удмуртия» газетын печатласькем кылбуръёсыныз. Нош 1990 арысен «Инвожо» журналын ужаны кутскемез бере — публицистической ужъёсызъя но мукет кылъёсысь берыктэмъёсызъя.

1991 но 1992 аръёсы кылбуръёсыз печатласькизы «Инӟарекъян» но «Интыл» огъя бичетъёсын.

1993 аре удмурт драмтеатр пуктӥз солэсь кылбурен гожтэм «Эбга» эпической трагедизэ. 1994 аре сое возьматӥзы Финляндиын, калыккуспо финно-угор фестивальын. Та постановка туж кельшиз учкисьёслы. Финн газетъёс Пётр Захаровез ӵошатылӥзы Шекспирен но Лёнротэн.

Со аре ик «Инвожо» журналлэн 9-тӥ номераз Пётр Захаров нырысьсэ Удмуртиын печатлаз этнофутуризм сярысь статья. Со луиз Удмуртиысь этнофутуризмлэн кутсконэз.

2000 арын «Эбга» нимо книгаез потӥз. Со удмурт литератураын трагической жанрлэн выль сямен азинскемез луиз. 2001 арын — «Вож выж» книгаез[2].

2005 аре быдэс дуннеысь гожъяськисьёслэн «ПЕН-клуб» нимо огазеяськонзылэсь «Удмурт ПЕН-клуб» ёзнэтсэ кылдытӥз.

Произведениосыз печатласько Эстониын, Финляндиын но мукет финн-угор кунъёсын.

Пётр Захаровлэсь творчествозэ эскеронлы сӥземын литературоведлэн Алексей Арзамазовлэн «Феномен визуального в современной удмуртской поэзии» 2010 арын потэм монографиез[3].

Библиография[Тупатыны | бамлэсь кодзэ тупатоно]

  • «Эбга» — Захаров Петр Михайлович. Эбга : Эпич. трагедия в 2 действиях : [На удмурт. и рус. яз.] / Петр Захаров. — Ижевск : Удмуртия, 2000. — 222, [1] с. : ил., портр.; 17 см; ISBN 5-7659-0037-2
  • «Вож выж» — Захаров Петр Михайлович. Вож выж : кылбуръёс / Петр Захаров; [предисл. Вячеслава Ар-Серги]. — Ижевск : Изд-во ИжГТУ, 2001. — 120 с. — На удмурт. яз.

Валэктонъёс[Тупатыны | бамлэсь кодзэ тупатоно]

  1. Шибанов, Виктор Леонидович. Йӧспӧртэм кылбурчи : Пётр Захаровлы - 50 / Виктор Шибанов // Кенеш. - 2011. - № 1. - С. 77-85
  2. Арзамазов, Алексей Андреевич. Мифопоэтика черного цвета в книге Петра Захарова «Вож выж» / Алексей Арзамазов // Инвожо. — 2007. — N 11/12. — С. 61-63. — Библиогр.: с. 63 (2 назв.). — Рец. на кн.: Захаров П. М. Вож выж : кылбуръёс. — Ижевск, 2001
  3. Арзамазов А.Поэзия П. Захарова в пространстве удмуртского этнофутуризма // Феномен визуального в современной удмуртской поэзии / А. Арзамазов. — Ижевск, 2010. — С. 14-18