Романов, Владимир Васильевич
| Владимир Васильевич Романов | |
| Ужан удысэз: | |
|---|---|
| Вордӥськем нуналыз: | |
| Вордӥськем интыез: |
Удмурт-Татышлы гурт, Бавлы ёрос, Бигер АССР, РСФСР, СССР |
| Кулон нуналыз: |
8-тӥ куарусёнэ 1989 (46 арес) |
| Кулон интыез: |
Иж, Удмурт Автономной Советской Социалистической Республика, РСФСР, СССР |
| Данъянъёсыз: |
Удмуртиысь Комсомоллэн премиез, УАССР-ысь кун премия |
Владимир Васильевич Романов (1-тӥ август 1943-тӥ ар — 8-тӥ сентябрь 1989-тӥ ар) — удмурт совето кылбурчи, журналист, Удмуртиысь Комсомоллэн премиезлэн лауреатэз (1975), УАССР-ысь кун премилэн лауреатэз (1989), СССР-ысь Писательёслэн союззылэн ёзчиез (1975).
Улон сюресэз
[Тупатыны | бамлэсь кодзэ тупатоно]Вордӥськиз Татарстанысь Бавлы ёросысь Удмурт-Татышлы гуртын.
1966-тӥ арын Удмурт кун педагогической институтысь историко-филологической факультетэз йылпумъя.
1968-1974-тӥ аръёсы «Дась лу!» нылпиослы газетын ужаз.
1975-1979-тӥ аръёсы литконсультант но Удмуртиысь Писательёслэн союзазы тӧрлэн кивоштӥсез луыса тыршиз.
1980-тӥ арысен гожъяськон удысэз профессиональной ужен лыдъяськыны кутскиз.
Гожьяськон сюресэз
[Тупатыны | бамлэсь кодзэ тупатоно]Ужъёсыз 1962-тӥ арысен печатласькыны кутскизы. Нырысетӥ кылбуръёсыз егит дырлы но комсомоллэн данэзлы сӥземын вал. Лирической героез — война бере улонзэ радъясь егит мурт.
Тужгес умой кылбур бичетъёсаз — «Мынам тулысэ» (1967), «Покчи гужем» (1975), «Йырберыктон турын» (1987) — улонлэсь но ужлэсь чеберлыксэ возьматыны тыршиз.
«Нюлэс, нюлэс…» сонет тугоко гожтӥз.
Владимир Романов тодмо луэ пиналъёслы гожъяськись луыса но («Тыметын шунды уя» (1968), «Тӧдьы Кам» (1973), «Шундыез сайкато барабанщикъёс» (1978), «Луд кеч салам» (1984) бичетъёсыз потэмын). Поэзияз пиналлэн синмыныз дунне шоры учкемез, пичи мурт сямен котьмалы паймемез возьматыны тыршиз.
«Тюрагай» поэмаяз Псков музъем вылын вордӥскем, фашистъёслэсь пегӟем но Удмуртие вуэм ныл-беженкалэсь образзэ возьматӥз.
Критической статьяослэн авторзы луэ.